വടക്കാഞ്ചേരിയിലെ ലൈഫ് മിഷൻ ഭവനപദ്ധതിയിൽ ക്രമക്കേട് നടന്നിട്ടുണ്ടോയെന്നു വിജിലൻസ് കോട്ടയം ഈസ്റ്റേൺ റേഞ്ച് എസ്പി വി.ജി.വിനോദ് കുമാറിന്റെ നേതൃത്വത്തിൽ അന്വേഷിക്കും. ആവശ്യമായ ഉദ്യോഗസ്ഥരെ അദ്ദേഹത്തിനു ടീമിൽ ഉൾപ്പെടുത്താൻ വിജിലൻസ് എഡിജിപി അനുവാദം നൽകി. പദ്ധതിയെക്കുറിച്ച് ഉയർന്ന ആരോപണങ്ങളിൽ വിജിലൻസിന്റെ പ്രാഥമിക അന്വേഷണം നടത്താൻ ആഭ്യന്തര സെക്രട്ടറി കഴിഞ്ഞ ദിവസം ഉത്തരവിട്ടിരുന്നു.
അതേസമയം, തലചായ്ക്കാന് ഇടമില്ലാത്തവര്ക്ക് താമസ സൗകര്യം ഒരുക്കുന്ന ലൈഫ് സര്ക്കാരിന്റെ വികസന പദ്ധതികളില് പ്രാധനപ്പെട്ട പദ്ധതിയാണെന്ന് മന്ത്രി കെ രാജു പറഞ്ഞു. അപേക്ഷകരില് നിന്നും അര്ഹരായവരെ കണ്ടെത്തി തദ്ദേശ സ്ഥാപനങ്ങള് വഴി നടപ്പിലാക്കുന്ന പദ്ധതി സുതാര്യമായാണ് നിര്വഹിക്കുന്നതെന്ന് മന്ത്രി പറഞ്ഞു. അഞ്ചല് ഗ്രാമപഞ്ചായത്തിലെ പതിനാലാം വാര്ഡായ തഴമേലാണ് ഫ്ളാറ്റ് സമുച്ചയത്തിന്റെ ശിലാസ്ഥാപനം നിര്വഹിക്കുകയായിരുന്നു മന്ത്രി.
