പോപ്പുലര് ഫിനാന്സ് തട്ടിപ്പ് കേസില് പ്രതികളുടെ ആസ്തി വിവരങ്ങള് കണ്ടെത്തി, സ്വത്ത് വിറ്റ് നിക്ഷേപകരുടെ പണം തിരികെ നല്കാന് സര്ക്കാര് നീക്കമാരംഭിച്ചു. സാമ്പത്തിക തട്ടിപ്പുകള് തടയാനായി കൊണ്ടു വന്ന കേന്ദ്രനിയമത്തിന്റെ അടിസ്ഥാനത്തിലാണ് സര്ക്കാര് നടപടി. ഇതുമായി ബന്ധപ്പെട്ട് അഭ്യന്തര അഡീണല് ചീഫ് സെക്രട്ടറി ഉത്തരവ് പുറപ്പെടുവിച്ചു. അഭ്യന്തര സെക്രട്ടറിയായ സജ്ഞയ് എം കൗളിനെ ഇതിനുള്ള അതോറിറ്റിയായി സര്ക്കാര് നിയമിച്ചു.
ആദ്യനടപടയായി പ്രതികളുടേയും ഇവരുടെ ബിനാമികളുടേയും മുഴുവന് ആസ്തികളും കണ്ടെത്തും. പിന്നീട് സ്വത്തുവകകള് ലേലം ചെയ്തോ വില്പന നടത്തിയോ പണം കണ്ടെത്തുകയും അതു നിക്ഷേപകര്ക്ക് നല്കുകയും ചെയ്യും. പ്രതികള് വില്പന നടത്തിയ സ്വത്തുകള് കണ്ടുകെട്ടാനും വില്ക്കാനും അതോറിറ്റിക്ക് അധികാരമുണ്ടാവും.
2000 കോടി രൂപയുടെ നിക്ഷേപത്തട്ടിപ്പ് നടത്തിയ കേസില് പോപ്പുലര് ഫിനാന്സ് ഉടമ തോമസ് ദാനിയേല്, ഭാര്യ പ്രഭ, മറ്റ് മക്കളായ റിനു, റീബ, റിയ എന്നിവരാണ് അറസ്റ്റിലായത്. ഇവര്ക്ക് 125കോടി രൂപയുടെ ആസ്തിയുള്ളതായി കണ്ടെത്തിയിരുന്നു.