എസ്പി ബാലസുബ്രഹ്മണ്യത്തിന്റെ മരണത്തിൽ ദുഖം രേഖപ്പെടുത്തി നടി ശോഭനയുടെ കുറിപ്പ്. അദ്ദേഹത്തിന്റെ വിയോഗം ഉൾക്കൊള്ളാനാകുന്നില്ലന്ന് ശോഭന സമൂഹ മാധ്യമങ്ങളിൽ കുറിച്ചു. എസ്പിബി പാടി ശോഭന അഭിനയിച്ച ദളപതി എന്ന ചിത്രത്തിലെ ഗാനരംഗം ശോഭന കുറിപ്പിനൊപ്പം പങ്കുവെച്ചിട്ടുണ്ട്.
അദ്ദേഹത്തിന്റെ വിയോഗം ഉൾക്കൊള്ളാനാകുന്നില്ല, പ്രത്യേകിച്ച് അദ്ദേഹത്തിന്റെ ഓർമ്മയ്ക്കായി ഒരു പാട്ട് തിരയുമ്പോൾ .. നമുക്ക് തിരികെ ലഭിക്കാത്ത ഒരു നിധി നഷ്ടപ്പെട്ടു എന്നല്ലാതെ മറ്റൊന്നും പറയാനില്ലെന്നായിരുന്നു ശോഭനുയെട കുറിപ്പ്.
കഴിഞ്ഞ മാസം 25 നാണ് ഗായകന് എസ് പി ബാലസുബ്രഹ്മണ്യം അന്തരിച്ചത് 74 വയസായിരുന്നു. ചെന്നൈ എംജിഎം ഹെല്ത്ത് കെയര് സെന്ററില്വച്ചാണ് അന്ത്യം. കൊവിഡ് ബാധിച്ചതിന് പിന്നാലെ അദ്ദേഹത്തിന്റെ ആരോഗ്യനില മോശമാകുകയായിരുന്നു.
ഓഗസ്റ്റ് അഞ്ചിനായിരുന്നു കൊവിഡ് ലക്ഷണങ്ങളോടെ അദ്ദേഹത്തെ ആശുപത്രിയില് പ്രവേശിപ്പിച്ചത്. ആരോഗ്യനില തൃപ്തികരമാണെന്ന് വ്യക്തമാക്കി അന്ന് അദ്ദേഹം തന്നെ വീഡിയോ ചെയ്തു പുറത്തുവിട്ടിരുന്നു.എന്നാല് ഓഗസ്റ്റ് 13 ന് അദ്ദേഹത്തിന്റെ ശരീരത്തിലെ ഓക്സിജന്റെ അളവ് കുറഞ്ഞിരുന്നു. തുടര്ന്ന് തീവ്രപരിചരണ വിഭാഗത്തില് പ്രവേശിപ്പിക്കുകയും വെന്റിലേറ്റര് സഹായം നല്കുകയും ചെയ്തിരുന്നു. പ്ലാസ്മ തെറാപ്പിക്കും അദ്ദേഹം വിധേയനായിരുന്നു.
