കൊച്ചി: പൊതുസ്ഥലങ്ങളില് അനുമതിയില്ലാതെ സ്ഥാപിച്ചിരിക്കുന്ന ബോര്ഡുകള് ഉടന് നീക്കണമെന്ന് ഹൈക്കോടതി. നിയമം ലംഘിച്ച് ബോര്ഡുകള് സ്ഥപിച്ചവരില് നിന്നും ഭൂസംരക്ഷണ നിയമപ്രകാരം പിഴ ഈടാക്കണമെന്നും ജസ്റ്റിസ് ദേവന് രാമചന്ദ്രന്റെ ബെഞ്ച് ഉത്തരവിട്ടു. പത്തു ദിവസത്തിനകം ഇക്കാര്യത്തില് നടപടി സ്വീകരിച്ചില്ലെങ്കില്, പൊലിസ് നടപടി ദുര്ബ്ബലപ്പെട്ടാല് സംസ്ഥാന ഡിജിപി യെ വിളിച്ചുവരുത്തേണ്ടി വരുമെന്നും കോടതി പറഞ്ഞു.
പൊതുസ്ഥലങ്ങളില് ബോര്ഡുകള് സ്ഥാപിക്കുന്നത് ക്രിമിനല് കുറ്റമാണ് എന്നാല് അത് വ്യാപകമായി നടക്കുകയാണ്. ഇത്തരത്തില് ബോര്ഡുകള് സ്ഥാപിക്കുന്നവര്ക്കെതിരെ കേസെടുക്കണമെന്ന ഡിജിപി യുടെ സര്ക്കുലറും റോഡ് സുരക്ഷാ കമ്മീഷ്ണറുടെ ഉത്തരവും കര്ശനമായി പാലിക്കണമെന്നും ജസ്റ്റിസ് ദേവന് രാമചന്ദ്രന് വ്യക്തമാക്കി.
അനധികൃത ബോര്ഡുകള്ക്കെതിരെ ഹൈക്കോടതി സ്വമേധയാ സ്വീകരിച്ച ഹര്ജിയിലാണ് ഉത്തരവ്. ഇത്തരം നിയമലംഘനങ്ങള്, കോടതി ചൂണ്ടിക്കാട്ടുമ്പോള് മാത്രമാണ് നടപടിയെടുക്കുന്നത്. നിയമം നടപ്പിലാക്കണമെന്നാവശ്യപ്പെട്ട് സര്ക്കുലര് ഇറക്കിയാല് മാത്രം പോര, നടപ്പിലാക്കാന് നട്ടെല്ലുണ്ടാവണമെന്നും ഡിജിപി യെ പരാമര്ശിച്ച് കോടതി പറഞ്ഞു
