കോടിയേരി ബാലകൃഷ്ണൻ സിപിഎം സംസ്ഥാന സെക്രട്ടറി സ്ഥാനം ഒഴിഞ്ഞു. ഇന്ന് ചേർന്ന സിപിഎം സംസ്ഥാന സെക്രട്ടറിയേറ്റ് യോഗത്തിൽ ചികിത്സക്കായി അവധി അനുവദിക്കണമെന്ന് കോടിയേരി ആവശ്യപ്പെടുകയായിരുന്നു. എ വിജയരാഘവന് പാർട്ടി സെക്രട്ടറിയുടെ താൽകാലിക ചുമതല നൽകി. കോടിയേരിയുടെ ആവശ്യം സെക്രട്ടറിയേറ്റ് അംഗീകരിച്ചു. സെക്രട്ടറിയേറ്റ് യോഗത്തിൽ ഇത് സംബന്ധിച്ച് കൂടുതൽ ചർച്ച നടന്നില്ല.
ബിനീഷ് കോടിയേരി ബംഗളൂരുവിൽ അറസ്റ്റിലായി പശ്ചാത്തലത്തിലാണ് സ്ഥാനം ഒഴിയാൻ കോടിയേരി തീരുമാനിച്ചത്. ബിനീഷ് കോടിയേരി ചെയ്ത കുറ്റത്തിന് കോടിയേരി ബാലകൃഷ്ണനെ ക്രൂശിക്കേണ്ടതില്ലെന്ന നിലപാടിലായിരുന്നു പൊളിറ്റ് ബ്യൂറോ ഉൾപ്പെടെയുള്ള പാർട്ടികൾ ഘടകങ്ങൾ.
