കാഞ്ഞങ്ങാട്: എം. സി. കമറുദ്ദീന് എംഎല്എ അറസ്റ്റിലായ കാസര്ഗോഡ് ഫാഷന് ഗോള്ഡ് നിക്ഷേപ തട്ടിപ്പ് കേസില് ഒളിവില് പോയ പൂക്കോയ തങ്ങളെ പിടികൂടാന് പ്രത്യേക പോലിസ് സംഘത്തെ ചുമതലപ്പെടുത്തി. ഇതിനായി ലുക്ക് ഔട്ട് നോട്ടീസ് പുറപ്പെടുവിച്ചു.
കേസില് ഫാഷന് ഗോള്ഡ് ചെയര്മാന് കൂടിയായ എം. സി. കമറുദ്ദീന് എംഎല്എ അറസ്റ്റിലായതിനു തൊട്ടുപിറകെയാണ് കമ്പനിയുടെ മാനേജിംഗ് ഡയറക്ടര് കൂടിയായ പൂക്കോയ തങ്ങള് ഒളിവില് പോയത്. സംഭവം നടന്നു രണ്ടാഴ്ച കഴിഞ്ഞിട്ടും പൂക്കോയ തങ്ങളെ കണ്ടെത്താന് അന്വേഷണ സംഘത്തിനു കഴിഞ്ഞിട്ടില്ല. ഇത് പോലീസിന് അപഖ്യാതിയുണ്ടാക്കിയിട്ടുണ്ട്. ഈ പശ്ചാത്തലത്തിലാണ് തങ്ങള്ക്ക് വേണ്ടിയുള്ള തെരച്ചില് ഊര്ജ്ജിതമാക്കാന് തീരുമാനിച്ചത്.
കേസിന്റെ ആദ്യഘട്ടത്തില് നന്നായി സഹകരിച്ചിരുന്ന പൂക്കോയ തങ്ങള് പലതവണ ചോദ്യം ചെയ്യലിന് അന്വേഷണ സംഘത്തിനു മുന്പാകെ ഹാജരായിരുന്നു. എന്നാല് എം സി കമറുദ്ദീന് എം എല് എ അറസ്റ്റിലായതോടെ മുങ്ങുകയായിരുന്നു. ഈ മാസം ആദ്യമാണ് എം എല് എയെ അറസ്റ്റ് ചെയ്തത്. ഇയാള് കോടതിയില് കീഴടങ്ങാന് സാധ്യതയുണ്ട് എന്ന നിലയില് മാധ്യമ വാര്ത്തകള് വന്നിരുന്നുവെങ്കിലും ഇതുവരെ പുറത്തുവരാന് തയാറായിട്ടില്ല. ഈ സാഹചര്യത്തിലാണ് സര്ക്കാര് പ്രത്യേക സംഘത്തെ നിയോഗിച്ച് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നത്.
