ലിജോ ജോസ് പെല്ലിശ്ശേരി സംവിധാനം ചെയ്ത ജെല്ലിക്കെട്ട് ഓസ്കാറിലേക്ക്. 2011ല് ആദാമിന്റെ മകൻ അബുവിന് ശേഷം ആദ്യമായാണ് ഒരു മലയാള ചിത്രം ഓസ്കാറിലേക്ക് നോമിനേറ്റ് ചെയ്യപ്പെടുന്നത്. ഫിലിം ഫെഡറേഷൻ ഓഫ് ഇന്ത്യയാണ് ഇക്കാര്യം അറിയിച്ചത്.
കഴിഞ്ഞ വര്ഷത്തെ മികച്ച ചിത്രത്തിനുള്ള സംസ്ഥാന പുരസ്കാരവും ജെല്ലിക്കെട്ടിന് ലഭിച്ചിരുന്നു. കൂടാതെ, ടോറോന്റോ ചലച്ചിത്ര മേളയിലും ജെല്ലിക്കെട്ട് പ്രദർശിപ്പിച്ചിരുന്നു. ഗോവയിൽ വെച്ചുനടന്ന അന്താരാഷ്ട്ര ചലച്ചിത്ര മേളയിൽ മികച്ച സംവിധായകനുള്ള പുരസ്കാരവും ജെല്ലിക്കെട്ടിലൂടെ ലിജോ കരസ്ഥമാക്കിയിരുന്നു.
യുവസംവിധായകരിൽ ശ്രദ്ധേയനായ വ്യക്തിയാണ് ലിജോ ജോസ് പെല്ലിശ്ശേരി. എം. ഹരീഷിന്റെ മാവോയിസ്റ് എന്ന കഥയെ അടിസ്ഥാനമാക്കി അദ്ദേഹം സംവിധാനം ചെയ്ത ചിത്രമാണ് ജെല്ലിക്കെട്ട്. 2019 ഒക്ടോബർ നാലിനാണ് ചിത്രം പുറത്തിറങ്ങിയത്.
