ന്യൂഡല്ഹി: രാജ്യത്തെ കൊവിഡ് കേസുകള് കുറയുന്നു. കഴിഞ്ഞ ഇരുപത്തിനാല് മണിക്കൂറിനിടെ 36,604 പുതിയ കേസുകളാണ് റിപ്പോര്ട്ട് ചെയ്തത്. ഇതോടെ, രാജ്യത്തെ മൊത്തം കൊവിഡ് രോഗികളുടെ എണ്ണം 94,99,414 ആയി. 501 പേര്ക്ക് കൂടെ ജീവന് നഷ്ടമായതോടെ രാജ്യത്തെ കൊവിഡ് മരണസംഖ്യ 1,38,122 ആയി.
89,32,647 പേര് രോഗമുക്തി നേടി. 93.81ശതമാനമാണ് രാജ്യത്തെ രോഗമുക്തി നിരക്ക്. 4,28,644 പേരാണ് നിലവില് രോഗം ബാധിച്ച് ചികിത്സയിലുള്ളത്. മഹാരാഷ്ട്ര, കര്ണാടക, ആന്ധ്രപ്രദേശ്, തമിഴ്നാട്, കേരളം തുടങ്ങിയ സംസ്ഥാനങ്ങളിലാണ് ഏറ്റവും കൂടുതല് രോഗബാധയുണ്ടായത്. നവംബര് 29നുള്ളില് 14 കോടിയിലധികം സാമ്പിളുകള് പരിശോധിച്ചതായി ഐസിഎംആര് വ്യക്തമാക്കി. 10,96,651 സാമ്പിളുകളാണ് കഴിഞ്ഞ ദിവസം പരിശോധിച്ചത്.
കേരളത്തില് ഇന്നലെ 5375 പേര്ക്ക് കൊവിഡ് സ്ഥിരീകരിച്ചു. ഏറ്റവും കൂടുതല് പേര്ക്ക് രോഗം സ്ഥിരീകരിച്ചത് മലപ്പുറം ജില്ലയിലാണ്. 886 പേരാണ് കോഴിക്കോട് രോഗബാധിതരായത്. ഇന്നലെ സംസ്ഥാനത്ത് 58,809 സാമ്പിളുകളാണ് പരിശോധിച്ചത്.
ലോകത്ത് കൊവിഡ് ഇതുവരെ ബാധിച്ചത് ആറുകോടിയിലേറേപ്പേര്ക്കാണ്. അമേരിക്കയാണ് രോഗികളുടെ എണ്ണത്തില് മുന്നില്. ഇന്ത്യയാണ് രണ്ടാം സ്ഥാനത്തുളളത്. ബ്രസീല്, റഷ്യ, ഫ്രാന്സ് എന്നീ രാജ്യങ്ങളാണ് രോഗബാധയില് ഇന്ത്യയ്ക്ക് പിന്നിലുളളത്.
