ഡൽഹിയിൽ കാര്ഷിക നിയമത്തിനെതിരായ പ്രക്ഷോഭം ശക്തമായ സാഹചര്യത്തിൽ നിരവധി ട്രെയിനുകൾ റദ്ദാക്കി. പല ട്രെയിനുകളും വഴി തിരിച്ചു വിട്ടെന്നും പശ്ചിമ റെയിൽവെ വ്യക്തമാക്കി. ഡിസംബർ 5 ന് പുറപ്പെട്ട ബാന്ദ്ര ടെർമിനസ്-അമൃത്സർ സ്പെഷ്യൽ ട്രെയിൻ ചണ്ഡിഗഡിൽ യാത്ര അവസാനിപ്പിച്ചു. ഈ ട്രെയിൻ തിങ്കളാഴ്ച മാത്രമെ ഇവിടെ നിന്ന് യാത്ര തിരിക്കൂ.
ഡിസംബർ 4 ന് ആരംഭിച്ച 02904 അമൃത്സർ-മുംബൈ സെൻട്രൽ സ്പെഷ്യൽ ട്രെയിൻ റെയിൽവേ വഴിതിരിച്ചുവിട്ടു. ഫാർമേഴ്സ് പ്രൊഡ്യൂസ് ട്രേഡ് ആൻഡ് കൊമേഴ്സ് ആക്റ്റ് 2020, വില ഉറപ്പ്, കാർഷിക സേവന നിയമം, 2020 ലെ അവശ്യ ചരക്ക് നിയമം എന്നിവയ്ക്കെതിരെയാണ് കർഷകർ പ്രതിഷേധിക്കുന്നത്. സെപ്റ്റംബറിലാണ് നിയമം നടപ്പാക്കിയത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കാർഷിക നിയമത്തിനെതിരായ പ്രക്ഷോഭം നടത്തുന്ന കർഷകരുമായി ഡൽഹിയിൽ കേന്ദ്ര സർക്കാറിന്റെ ചർച്ച പുരോഗമിക്കുകയാണ്. ഡൽയിലെ വിഗ്യാൻ ഭവനിലാണ് ചർച്ച നടക്കുന്നത്. ചർച്ചക്ക് മുന്നോടിയായി കേന്ദ്രമന്ത്രിമാരായ അമിത് ഷാ, നരേന്ദ്ര സിംഗ് തോമർ, രാജ്നാഥ് സിംഗ് പിയൂഷ് യോയൽ എന്നിവരുമായി പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി.
