പാട്ന; രാജ്യത്തെ കര്ഷകര്ക്കായി കഴുമരത്തിലേറാനും താന് തയാറാണെന്ന് ആര് ജെ ഡി നേതാവും ബീഹാര് പ്രതിപക്ഷ നേതാവുമായ തേജസ്വി യാദവ് പറഞ്ഞു. കര്ഷക പ്രക്ഷോഭത്തെ അനുകൂലിച്ചു നടത്തിയ പ്രതിഷേധ പരിപാടിയെ തുടര്ന്ന് തനിക്കെതിരെ കേസെടുത്ത മുഖ്യമന്ത്രി നിതീഷ് കുമാറിനെ തേജസ്വി രൂക്ഷമായി വിമര്ശിച്ചു. ഭീരുവായ മുഖ്യമന്ത്രിയാണ് ബീഹാര് സര്ക്കാരിനെ നയിക്കുന്നത്. കര്ഷക സമരത്തെ പിന്തുണയ്ക്കുക മാത്രമല്ല വേണ്ടിവന്നാല് അവര്ക്കായി കഴുമരത്തിലേറാനും താന് തയാറാണ് എന്ന കാര്യം നിതീഷ് കുമാര് ഓര്ക്കണമെന്നും തേജസ്വി യാദവ് പറഞ്ഞു. കേസെടുത്ത് ഭീഷണിപ്പെടുത്താന് ശ്രമിക്കുന്ന മുഖ്യമന്ത്രിക്ക് ശരിക്കും അധികാരവും ധൈര്യവുമുണ്ടെങ്കില് എന്നെ അറസ്റ്റുചെയ്യൂ - നിതീഷ് കുമാറിനെ വെല്ലുവിളിച്ചുകൊണ്ട് തേജസ്വി യാദവ് പറഞ്ഞു.
കഷക പ്രക്ഷോഭത്തെ പിന്തുണച്ചുകൊണ്ട് പ്രതിഷേധ പരിപാടി നടത്തിയ തേജസ്വി യാദവ് അടക്കമുള്ള 20 ഓളം നേതാക്കന്മാര്ക്കെതിരെയാണ് ബീഹാര് സര്ക്കാര് കേസെടുത്തിരിക്കുന്നത്. കൊവിഡ് പ്രോട്ടോക്കോള് ലംഘിച്ചു പൊതുപരിപാടി നടത്തി എന്ന കുറ്റമാരോപിച്ചാണ് ബീഹാര് പൊലിസ് നേതാക്കള്ക്കെതിരെ കേസ് ചാര്ജ് ചെയ്തിരിക്കുന്നത്. കര്ഷകരെ പിന്തുണച്ചതിന്റെ പേരില് ഇത്തരത്തില് ആയിരം എഫ് ഐ ആര് ഇട്ടാലും താന് പേടിക്കില്ലെന്ന് തേജസ്വി യാദവ് പറഞ്ഞു.
