തദ്ദേശ തെരഞ്ഞെടുപ്പിൽ യുഡിഎഫ് വെൽഫെയർ പാർട്ടി സഖ്യത്തിൽ എംഎം ഹസനെ തള്ളി കെസി വേണുഗോപാൽ. കോൺഗ്രസിന്റെ നിലപാട് പറയേണ്ടത് കെപിസിസി അധ്യക്ഷൻ മുല്ലപ്പള്ളി രാമചന്ദ്രനാണെന്ന് വേണുഗോപാൽ പറഞ്ഞു. പാർട്ടി നയം പറയേണ്ടത് കെപിസിസി പ്രസിഡന്റാണ്. വെൽഫെയർ പാർട്ടിയുമായി നീക്കുപോക്കുണ്ടെങ്കിൽ പാർട്ടി പരിശോധിക്കും. യുഡിഎഫിന് മുന്നണിക്ക് പുറത്ത് ആരുമായും ബന്ധമില്ല- കെസി വേണുഗോപാൽ പറഞ്ഞു. വയനാട്ടിൽ വാർത്താസമ്മേളനത്തിൽ സംസംസാരിക്കുകയായിരുന്നു അദ്ദേഹം.
തെരഞ്ഞെടുപ്പിൽ യുഡിഎഫ് വെൽഫെയർ പാർട്ടിയുമായി നീക്കുപോക്ക് ഉണ്ടാക്കിയിട്ടുണ്ടെന്ന് കഴിഞ്ഞ ദിവസം യുഡിഎഫ് കൺവീനർ എംഎം ഹസൻ പറഞ്ഞിരുന്നു. മുല്ലപ്പള്ളി രാമചന്ദ്രന്റെ അറിവോടെയാണ് നീക്കുപോക്ക് ഉണ്ടാക്കിയതെന്നും ഹസൻ വെളിപ്പെടുത്തിയിരുന്നു. ഹസന്റെ ഈ നിലപാടിനെയാണ് കെസി വേണുഗോപാൽ തള്ളിക്കളഞ്ഞത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
വെൽഫെയർ പാർട്ടി വിഷയത്തിൽ മാധ്യമങ്ങളാണ് ആശയക്കുഴപ്പമുണ്ടാക്കന്നതെന്ന് എംഎം ഹസൻ പറഞ്ഞു. അതു കൊണ്ട് ഈ വിഷയത്തിൽ കൂടതൽ പ്രതികരണത്തിന് ഇല്ലെന്നും ഹസൻ പറഞ്ഞു. വേണുഗോപാലിന്റെ പ്രസ്താവന സംബന്ധിച്ച മാധ്യമ പ്രവർത്തകരോട് പ്രതികരിക്കുകയായിരുന്നു ഹസൻ.