ബ്രിട്ടീഷ് നടി ബാർബറ വിൻസഡർ അന്തരിച്ചു. ഇന്നലെ വൈകീട്ട് ലണ്ടിനിലായിരുന്നു അന്ത്യം. 83 വയസ്സായിരുന്നു. അൽഷിമേഴ്സിന് ചികിത്സയിലായിരുന്നു. 2014 ലാണ് രോഗം സ്ഥിരീകരിച്ചത്. രണ്ട് വർഷം മുമ്പ് മാത്രമാണ് രോഗവിവരം പുറം ലോകം അറിഞ്ഞത്.
1950 ൽ നാടകത്തിലൂടെയാണ് ബാറബറ അഭിനയ രംഗത്തെത്തിയത്. 13 വയസിലായിരുന്നു അരങ്ങേറ്റം. 1954 ൽ പുറത്തിറങ്ങിയ ദ ബെൽസ് ഓഫ് സെന്റ് ട്രിനിയൻസാണ് ആദ്യ ചിത്രം. ക്യാരി ഓൺ ഫിലിംസ് എന്ന സിനിമാ പരമ്പരകളിലൂടെയാണ് ഇവർ പ്രേക്ഷകർക്ക് സുപരിചിതയായത്. 1964 ലാണ് പരമ്പരയിലെ ആദ്യ ചിത്രം പുറത്തിറങ്ങിയത്. തുടർന്ന് ക്യാരി ഓൺ പരമ്പരയിലെ 10 ചിത്രങ്ങളിൽ അഭിനയിച്ചു. 77 ൽ പുറത്തറങ്ങിയ ദാറ്റ്സ് ക്യാരി ഓണാണ് പരമ്പരയിലെ അവസാന ചിത്രം. 2016 വരെ സിനിമാ രംഗത്ത് സജീവമായിരുന്നു. നിരവധി ടെലിവിഷൻ പരിപാടികളിലും അഭിനയിച്ചിട്ടുണ്ട്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
മൂന്ന് വിവാഹം കഴിച്ചു. റോണി നൈറ്റായിരുന്നു ആദ്യ ഭർത്താവ്. 1986 ൽ സ്റ്റീവൻ ഹോളിംഗ്സിനെയും 2000 ത്തിൽ സ്കോട്ട് മിച്ചലിനെയും വിവാഹം ചെയ്തു. ആൾ ഫോർ മി എന്ന പേരിൽ ആത്കഥ രചിച്ചിട്ടുണ്ട്.
