ട്രാൻസ്ജെൻഡർ കവി വിജയരാജമല്ലികയുടെ ആദ്യ ഇംഗ്ലീഷ് കവിതാസമാഹാരം "A Word to Mother" ഓസ്ക്കാർ അവാർഡ് ജേതാവ് റസൂൽ പൂക്കുട്ടി പ്രകാശനം ചെയ്തു. 2020 ഡിസംബർ 21 തിങ്കളാഴ്ച്ച വൈകിട്ട് 6മണിക്ക് ഓൺലൈൻ കൂട്ടായ്മയായ ദി കോറന്റൈൻ ട്രെയിനി(TQT)ലൂടെയായിരുന്നു പ്രകാശന കർമം.
അന്തർദേശിയ കവികളുടെ കൂട്ടായ്മയാണ് ദി കോറന്റൈൻ ട്രെയിൻ. കവികളായ ചന്ദ്രമോഹൻ,അർജുൻ രാജേന്ദ്രൻ, പെർവിൻ സാകേട്ട്, ശോഭന കുമാർ എന്നിവർ മല്ലികയുടെ കവിതകൾ അവതരിപ്പിക്കുകയും പുസ്തക പരിചയം നിർവഹിക്കുകയും ചെയ്തു. ചടങ്ങിൽ കേരള സംസ്ഥാന യുവജന കമ്മീഷൻ ചെയർ പേർസൺ ചിന്ത ജെറോം ആശംസകൾ നേര്ന്നു.
ഓഥേഴ്സ് പ്രെസ്സ് പ്രസിദ്ധീകരിച്ച ഈ കവിതാ സമാഹാരം ലൈംഗീക ന്യുനപക്ഷങ്ങൾ അനുഭവിക്കുന്ന സമഗ്രമായ പ്രശ്നങ്ങളെ ചർച്ച എടുക്കുന്നു. മുപ്പത്തി അഞ്ച് കവിതകൾ അടങ്ങിയ ഈ പുസ്തകത്തിന്റെ അവതാരിക പ്രശസ്ത എഴുത്തുകാരനും കവിയുമായ സച്ചിതാനന്ദൻറെതാണ്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
2019ലെ കേരള സംസ്ഥാന സർക്കാരിന്റെ സാഹിത്യയുവ പ്രതിഭ പുരസ്കാര ജേതാവായ വിജയരാജമല്ലികയുടെ കവിതകൾ പല സർവ്വകലാശാലകളിലും പിജി സിലബസിന്റെയും ഭാഗമാണ്. തൃശൂർ മുതുവറ സ്വദേശിനിയായ മല്ലിക ഫ്രീലാൻസ് സോഷ്യൽ വർക്കർ കൂടിയാണ്.
