തിരുവനന്തപുരം: കഴിഞ്ഞ ദിവസം മുങ്ങിമരിച്ച നടൻ അനിൽ നെടുമങ്ങാടിന്റെ സംസ്കാരം ഇന്ന്. മൃതദേഹം ഇന്ന് പോസ്റ്റ്മോർട്ടം നടത്തും. ഇതിന് മുമ്പായി കൊവിഡ് പരിശോധയും നടത്തും. കോട്ടയം മെഡിക്കൽ കോളേജിലാണ് പോസ്റ്റ്മോർട്ടം. ഇതിന് ശേഷം മൃതദേഹം തിരുവനന്തപുരം തോട്ടുമുക്കിലെ വീട്ടിൽ എത്തിക്കും. തൊടുപുഴ ജില്ലാ ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്.വീട്ടിലെത്തിക്കുന്ന മൃതദേഹത്തിൽ സാമൂഹ്യ സാംസ്കാരിക സിനിമാ രംഗത്തെ പ്രമുഖർ ആദരാഞ്ജലികൾ അർപ്പിക്കും.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ഇന്നലെ വൈകീട്ടാണ് തൊടുപുഴ മലങ്കര ജലാശയത്തിൽ അനിൽ മുങ്ങിമരിച്ചത്. ജോജു ജോർജ് നായകനാകുന്ന പീസ് എന്ന ചിത്രത്തിൽ അഭിനയിക്കാനാണ് അനിലും സംഘവും തൊടുപുഴയിൽ എത്തിയത്. നീന്തൽ അറിയാമെങ്കിലും അനിൽ ആഴമുള്ള കയത്തിൽപെടുകയായിരുന്നു. കൂടെയുള്ളവർ വിവരം അറിയിച്ചതിനെ തുടർന്ന് സമീപവാസിയായ യുവാവാണ് അനിലിനെ കരക്ക് എത്തിച്ചത്. തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.