പത്തനംതിട്ട: മകരവിളക്ക് ഉത്സവങ്ങള്ക്കായി ശബരിമല ഇന്ന് തുറക്കും. വൈകുന്നേരം അഞ്ച് മണിയോടുകൂടെയാണ് ശബരിമല നട തുറക്കുക എന്ന് ശബരിമല ദേവസ്വം ബോര്ഡ് അധികൃതര് അറിയിച്ചു. നാളെ രാവിലെ മുതലാണ് ഭക്തര്ക്ക് ദര്ശനം നടത്താനാവുക. ജനുവരി 19 വരെ തീര്ത്ഥാടകര്ക്ക് ദര്ശനം അനുവധിക്കും. 20ന് ക്ഷേത്രം അടയ്ക്കും.
ജനുവരി 14ന് നടക്കുന്ന മകരവിളക്ക് ഉത്സവത്തില് വെര്ച്വല് ക്യൂ വഴി ബുക്ക് ചെയ്തവര്ക്കു മാത്രമാണ് പ്രവേശനം. ശബരിമലയില് പ്രവേശിക്കുന്നതിനു 48 മണിക്കൂര് മുന്പ് ആര്ടി പിസിആര് പരിശോധന നടത്തി ഫലം നെഗറ്റീവ് ആയതിന്റെ സര്ട്ടിഫിക്കറ്റ് കൊണ്ടുവരുന്നവരെ മാത്രമാണ് പമ്പയിലേക്ക് കടത്തി വിടുക. ഒരു ദിവസം ശബരിമല സന്ദര്ശിക്കാവുന്ന തീര്ത്ഥാടകരുടെ എണ്ണം അയ്യായിരമാക്കി ഉയര്ത്തിയിരുന്നു.
കൊവിഡ് നെഡറ്റീസ് സര്ട്ടിഫിക്കറ്റ് ഇല്ലാത്തവരെ ശബരിമലയില് പ്രവേശിപ്പിക്കില്ലെന്നും നിലക്കലില് കൊവിഡ് പരിശോധന നടത്താനുളള സൗകര്യങ്ങള് ഇത്തവണ ഏര്പ്പെടുത്തിയിട്ടില്ലെന്നും ദേവസ്വം ബോര്ഡ് അധികൃതര് വ്യക്തമാക്കി.
