ഡല്‍ഹി: ഇന്ത്യയില്‍ കൊവിഡ് വാക്‌സിന്‍ ഉപയോഗിക്കുന്നതുമായി ബന്ധപ്പെട്ട നിര്‍ണായക ചര്‍ച്ച ഇന്ന്. ഉച്ചയ്ക്ക് പന്ത്രണ്ട് മണിയോടുകൂടെ വിദഗ്ധ സമിതി യോഗം ചേരും. ഇന്ത്യയുടെ സിറം ഇന്‍സ്റ്റിറ്റ്യൂട്ട്, ഭാരത് ബയോടെക്, അമേരിക്കയുടെ ഫൈസര്‍ വാക്‌സിന്‍ എന്നിവയുടെ അടിയന്തര ഉപയോഗത്തിന് അനുമതിക്കായുളള അപേക്ഷ സമിതി പരിഗണിക്കും.
കഴിഞ്ഞ ദിവസം ചേര്‍ന്ന യോഗത്തില്‍ സിറം ഇന്‍സ്റ്റിറ്റ്യൂട്ടിന്റെ കൊവിഷീല്‍ഡ് വാക്‌സിനുമായി ബന്ധപ്പെട്ട് കൂടുതല്‍ രേഖകള്‍ സമിതി ആവശ്യപ്പെട്ടിരുന്നു. ലോകത്തെ ഏറ്റവും വലിയ പ്രതിരോധ കുത്തിവയ്പ്പ പദ്ധതിക്ക് രാജ്യം തയാറെടുക്കുകയാണെന്ന് പ്രധാനമന്ത്രി നരേന്ദ്രമോദി പറഞ്ഞിരുന്നു. ജനുവരി 2 മുതല്‍ എല്ലാ സംസ്ഥാനങ്ങളിലും ഡ്രൈ റണ്‍ നടത്തുമെന്ന് ആരോഗ്യവകുപ്പ് വ്യക്തമാക്കി.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അതേസമയം, കൊവിഡ് വാക്‌സിന്‍ വിതരണത്തിന് കേരളം പൂര്‍ണ സജ്ജമാണെന്ന് ആരോഗ്യമന്ത്രി കെകെ ശൈലജ പറഞ്ഞു. വാക്‌സിന്‍ ലഭ്യമായിക്കഴിഞ്ഞാലുടന്‍ ജനങ്ങളിലേക്കെത്തിക്കും, വാക്‌സിന്‍ വിതരണത്തിന്റെ മുന്‍ഗണനാപട്ടിക, വാക്‌സിന്‍ സംഭരണകേന്ദ്രങ്ങള്‍, വാക്‌സിനുകള്‍ വിതരണം ചെയ്യാനുളള വോളന്റിയര്‍മാര്‍ തുടങ്ങിയ തയാറെടുപ്പുകള്‍ പൂര്‍ത്തിയായെന്ന് മന്ത്രി കൂട്ടിച്ചേര്‍ത്തു.
