കൊവിഡ് വാക്സിന് വിതരണത്തിന് സംസ്ഥാനം സജ്ജമെന്ന് ആരോഗ്യ മന്ത്രി കെ കെ ശൈലജ. രണ്ടോ മൂന്നോ ദിവസത്തിനകം വാക്സിന് എത്തുമെന്നാണ് കേന്ദ്രസര്ക്കാര് അറിയിച്ചിരിക്കുന്നതെന്നും മന്ത്രി വ്യക്തമാക്കി. വാക്സിന് ഉപയോഗത്തില് ആശങ്ക വേണ്ട. മുന്ഗണനാ ക്രമത്തിലാണ് വിതരണമുണ്ടാകുക. കോവിഷീല്ഡ് വാക്സീന് താരതമ്യേന സുരക്ഷിതമാണ് എന്നും ശൈലജ പറഞ്ഞു.
അതേസമയം, കൊവിഡ് വാക്സിൻ വിതരണം കുറ്റമറ്റതാക്കുന്നതിന്റെ ഭാഗമായി നടത്തുന്ന ഡ്രൈറണ് സംസ്ഥാനത്ത് പൂര്ത്തിയായി. തിരുവനന്തപുരം, ഇടുക്കി, പാലക്കാട്, വയനാട് എന്നീ നാല് ജില്ലകളിലെ ആറ് കേന്ദ്രങ്ങളിലാണ് ഡ്രൈറണ് നടന്നത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ആദ്യ ഘട്ടത്തില് വാക്സീന് ലഭിക്കുന്ന ആരോഗ്യപ്രവര്ത്തകരുടെ പ്രതിനിധികളായി 25 പേര് വീതം ഓരോ കേന്ദ്രത്തിലും റിഹേഴ്സലില് പങ്കെടുക്കുന്നത്. മൂന്നുലക്ഷത്തി പതിമൂവായിരം ആരോഗ്യ പ്രവര്ത്തരാണ് റജിസ്ററര് ചെയ്തിരിക്കുന്നത്.