ബംഗളൂരു: പുതുവര്‍ഷത്തില്‍ ഭക്ഷണത്തിനായി ജനങ്ങള്‍ ഏറ്റവും കൂടുതല്‍ ഉപയോഗിച്ചത് സ്വിഗ്ഗിയും സൊമാറ്റോയും. ഡിസംബര്‍ 31നാണ് ഏറ്റവും കൂടുതല്‍ ഓര്‍ഡറുകള്‍ ലഭിച്ചതെന്ന് പ്രമുഖ ഫുഡ് ഡെലിവറി പ്ലാറ്റ്‌ഫോമുകളായ സ്വിഗ്ഗിയും സൊമാറ്റോയും അറിയിച്ചു.
കഴിഞ്ഞ വര്‍ഷത്തെ ന്യൂഇയറനേക്കാള്‍ 60 ശതമാനം കൂടുതല്‍ വില്‍പ്പനയാണ് കമ്പനി ഇത്തവണ രേഖപ്പെടുത്തിയതെന്ന് സൊമാറ്റോ സിഇഒ ദീപീന്തര്‍ ഗോയല്‍ ട്വീറ്റ് ചെയ്തു. ഒരു മിനിറ്റില്‍ 4254 ഓര്‍ഡറുകളാണ് ലഭിച്ചത് ഇതോടുകൂടി പുതുവത്സരദിവസത്തില്‍ മാത്രം 75 കോടി ലാഭമുണ്ടായതായി അദ്ദേഹം പറഞ്ഞു. കഴിഞ്ഞ ദിവസത്തെ ഓര്‍ഡറുകള്‍ നിയന്ത്രണാതീതമായിരുന്നു എന്ന് സൊമാറ്റോ സിഇഒ പറഞ്ഞു. സ്വിഗ്ഗിയുടെ ചരിത്രത്തിലും ഏറെ ഓര്‍ഡറുകള്‍ ലഭിച്ച ദിവസമാണ് ഈ പുതുവര്‍ഷമെന്ന് സ്വിഗ്ഗി വക്താവും വ്യക്തമാക്കി.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
പല സംസ്ഥാനങ്ങളിലും കൊവിഡ് മാനദണ്ഡങ്ങള്‍ മൂലം ഹോട്ടലുകളും റസ്‌റ്റോറന്റുകളും അടച്ചിട്ടതിനെത്തുടര്‍ന്ന് ഹോട്ടല്‍ മേഖല കനത്ത പ്രതിസന്ധി നേരിടുകയാണ്. നിയന്ത്രണങ്ങള്‍ മൂലമുണ്ടായ നഷ്ടം നികത്താന്‍ ഫുഡ് ഡെലിവറി ആപ്പുകള്‍ക്ക് കഴിഞ്ഞു എന്ന് ചില റെസ്‌റ്റോറന്റ് എക്‌സിക്ക്യൂട്ടിവുകള്‍ പറഞ്ഞു.
