ആര്ത്തവ ദിനങ്ങളിലെ വേദന പലര്ക്കും ഒരു പേടി സ്വപ്നമാണ്. നടുവേദന, വയറുവേദന, കാലുകൾക്കുണ്ടാകുന്ന മരവിപ്പ്, തലവേദന, സ്തനങ്ങള്ക്ക് വേദന, ഛർദ്ദി, വിഷാദം, ദേഷ്യം തുടങ്ങിയ എന്തെല്ലാം വിഷമഘട്ടങ്ങളിലൂടെയാണ് ആർത്തവസമയത്ത് ഓരോ സ്ത്രീകളും കടന്നു പോകുന്നത്. എന്നാല് ഈ വേദനകുറയ്ക്കാന് കഞ്ചാവടങ്ങിയ മരുന്നുകള്ക്ക് സാധിക്കുമെന്നാണ് പുതിയ കണ്ടെത്തല്.
ന്യൂഡല്ഹി ആസ്ഥാനമായ ഹെംപ് സ്ട്രീറ്റ് കമ്പനിയാണ് 'ത്രിലോക്യ വിജയവാടി' എന്ന പേരില് ആര്ത്തവവേദന കുറയ്ക്കുന്ന ഈ മരുന്ന് വിപണിയില് ഇറക്കാന് പോകുന്നത്. കഞ്ചാവ് ചെടിയില് അടങ്ങിയ കന്നാബിനോയ്ഡ് വേദന, ഉറക്കക്കുറവ്, വിഷാദരോഗം, ആശങ്ക അപസ്മാരം, മള്ട്ടിപ്പിള് സ്ക്ലീറോസിസ്, ലൈംഗിക രോഗങ്ങള് എന്നിവക്കു ചികില്സക്കായി ഉപയോഗിക്കുന്നുണ്ട്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ലോകത്തെ 85 ശതമാനം സ്ത്രീകളും പിരീഡ്സ് കാലത്ത് വലിയ ശാരീരിക ബുദ്ധിമുട്ടുകള് അനുഭവിക്കാറുണ്ടെന്നും ഇതിന് പരിഹാരമായി കഞ്ചാവില് നിന്ന് ഉദ്പാദിപ്പിക്കുന്ന മരുന്നുകള് ഉപയോഗിക്കാമെന്നുമാണ് ബ്രിട്ടീഷ് മെഡിക്കല് ജേണലില് പ്രസിദ്ധീകരിച്ച പഠനത്തില് വ്യക്തമാക്കുന്നു.