പത്ത് വോട്ടിനു വേണ്ടി ക്രിസ്ത്യന്-മുസ്ലിം വിഭാഗങ്ങളെ തമ്മിലടിപ്പിക്കാനാണ് മുഖ്യമന്ത്രി പിണറായി വിജയന് ശ്രമിക്കുന്നുന്നതെന്ന് മുന് മുഖ്യമന്ത്രി ഉമ്മന് ചാണ്ടി. കേരളത്തിലെ രണ്ട് പ്രബല ന്യൂനപക്ഷ വിഭാഗങ്ങള്ക്കിടയിലും ഭിന്നിപ്പുണ്ടാക്കാനാണ് മുഖ്യമന്ത്രിയുടെ നേതൃത്വത്തില് സിപിഐഎം ശ്രമിക്കുന്നത്. പിണറായി വിജയന് പറയുന്നത് പോലെ തനി വര്ഗീയത മുന്പാരും പറഞ്ഞിട്ടില്ല. ഇതിനു സിപിഐഎം വലിയ വില നല്കേണ്ടി വരും, ട്വന്റിഫോര് ന്യൂസിന് നല്കിയ പ്രത്യേക അഭിമുഖത്തില് സംസാരിക്കുകയായിരുന്നു അദ്ദേഹം.
മുസ്ലീം ലീഗ് എല്ലാകാലത്തും സമുദായ സൗഹാര്ദത്തിന് വേണ്ടി നിലകൊണ്ട പാര്ട്ടിയാണെന്നും ഉമ്മന് ചാണ്ടി പറഞ്ഞു. ലീഗിനെകുറിച്ചുള്ള പിണറായി വിജയന്റെ പരാമര്ശങ്ങള് വലിയ അപകടം ക്ഷണിച്ചുവരുത്തും. മുഖ്യമന്ത്രി സ്ഥാനം സംബന്ധിച്ചൊരു തര്ക്കം കോണ്ഗ്രസില് ഇതുവരെ ഉണ്ടായിട്ടില്ല. മുഖ്യമന്ത്രിയാരെന്ന് ഹൈക്കമാന്ഡ് തീരുമാനിക്കും.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അതിനിടെ, ഉമ്മന് ചാണ്ടിയെ യുഡിഎഫ് ചെയര്മാന് ആക്കാന് കോണ്ഗ്രസില് നീക്കം നടക്കുന്നുണ്ട്. ഘടകക്ഷികളുടെ ആവശ്യം കൂടി പരിഗണിച്ചാണ് എഐസിസിയുടെ തന്ത്രപരമായ നീക്കം.