ഭോപ്പാല്‍: മധ്യപ്രദേശിലെ മൊറേനയില്‍ വ്യാജമദ്യ ദുരന്തത്തില്‍ മരിച്ചവരുടെ എണ്ണം പതിനൊന്നായി. കഴിഞ്ഞ മൂന്നുമാസത്തിനിടെ ഉണ്ടായ രണ്ടാമത്തെ വ്യാജമദ്യ ദുരന്തമാണ് മൊറേനയിലേത്.
മോറെനയിലെ മന്‍പൂര്‍ പൃഥ്വി, പഹാവലി ഗ്രാമങ്ങളില്‍ നിന്നുളള പതിനൊന്ന് പേരാണ് മരിച്ചത്. മരണത്തിന്റെ യഥാര്‍ത്ഥ കാരണം കണ്ടെത്താന്‍ പോസ്റ്റ്മാര്‍ട്ടം റിപ്പോര്‍ട്ടിനായി കാത്തിരിക്കുകയാണെന്ന് ചമ്പല്‍ റേഞ്ച് ഐ ജി മനോജ് ശര്‍മ്മ പറഞ്ഞു.
പ്രദേശങ്ങളില്‍ മദ്യം വിതരണം ചെയ്ത നാല് പേരെ പോലീസ് കണ്ടെത്തിയിട്ടുണ്ട്. കഴിഞ്ഞ വര്‍ഷം ഒക്ടോബറില്‍ പതിനൊന്നുപേരും മെയ് മാസത്തില്‍ ആറു പേര്‍ മധ്യപ്രദേശില്‍ വ്യാജമദ്യം കഴിച്ച് മരപ്പെട്ടിരുന്നു.
സംഭവത്തില്‍ മൊറേന സ്റ്റേഷന്‍ ഹൗസ് ഓഫീസറെ സസ്‌പെന്റ് ചെയ്തിട്ടുണ്ട്. മരണത്തില്‍ സംസ്ഥാന ആഭ്യന്തരമന്ത്രി നരോത്തം മിശ്ര അനുശോചനം രേഖപ്പെടുത്തി.
