വാഷിംഗ്ടണ് : കൊവിഡ് കാലഘട്ടത്തില് ഇന്ത്യയുടെ പ്രവര്ത്തനങ്ങളെ അഭിനന്ദിച്ച് ഇന്റര്നാഷണല് മോണിറ്ററി ഫണ്ട്. കൊറോണ മഹാമാരിയെയും അതിനെത്തുടര്ന്നുണ്ടായ സാമ്പത്തിക പ്രതിസന്ധിയെയും നേരിടാന് ഇന്ത്യ വളരെ നിര്ണായകമായ നടപടികളാണ് കൈക്കൊണ്ടതെന്ന് ഐഎംഎഫ് മേധാവി ക്രിസ്റ്റലീന ജോര്ജീവ വ്യക്തമാക്കി.
രാജ്യത്തിന്റെ സമ്പദ്ഘടനയെ ഉയര്ത്തിക്കൊണ്ടുവരാന് വരും വര്ഷങ്ങളില് കൂടുതല് നടപടികള് കൈക്കൊളളണമെന്നും ക്രിസ്റ്റലീന ആവശ്യപ്പെട്ടു. നവംബര് 26നാണ് ഐഎംഎഫ് ലോക സാമ്പത്തിക അപ്ഡേറ്റ് പുറത്തിറക്കുക.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കൊവിഡ് കാലഘട്ടത്തിലെ കൃത്യമായ ലോക്ക് ഡൌണുകളും പ്രതിരോധ നടപടികളും രാജ്യത്തെ രോഗവ്യാപനം തടയുന്നതില് നിന്ന് ഒരു പരിധി വരെ സഹായിച്ചു.സാമ്പത്തിക കാര്യങ്ങളില് ഇന്ത്യക്ക് ഇനിയും ഒരുപാട് ചെയ്യാനാവുമെന്നും അതിനുളള സമയം രാജ്യത്തിനുണ്ടെന്നും അവര് കൂട്ടിച്ചേര്ത്തു. 2021ല് ഇന്ത്യയില് 8.8 ശതമാനം വളര്ച്ചാനിരക്ക് ഉണ്ടായിരിക്കുമെന്നും ക്രിസ്റ്റലീന ജോര്ജീവ പറഞ്ഞു.