ഇടഞ്ഞുനിൽക്കുന്ന മുൻ കേന്ദ്രമന്ത്രി കെ.വി.തോമസുമായി കോണ്ഗ്രസ് നേതൃത്വം ചര്ച്ച നടത്തുന്നു. പാര്ട്ടിയിലും പാര്ലമെന്ററി രംഗത്തും അര്ഹമായ പ്രാതിനിധ്യം വേണമെന്ന് അദ്ദേഹം നേതൃത്വത്തോട് ആവശ്യപ്പെട്ടതായി മനോരമ ന്യൂസ് റിപ്പോര്ട്ട് ചെയ്യുന്നു. കോണ്ഗ്രസ് അതിനു തയ്യാറായില്ലെങ്കില് പകരം മകള് രേഖ തോമസിനെ പരിഗണിക്കണമെന്നും അദ്ദേഹം ആവശ്യപ്പെട്ടുവെന്നാണ് റിപ്പോര്ട്ട്.
എഐസിസി പ്രതിനിധികളുമായി ചര്ച്ച നടത്തുന്ന അദ്ദേഹം കെപിസിസി യോഗത്തിലും പങ്കെടുക്കും. ഉമ്മന്ചാണ്ടി, രമേശ് ചെന്നിത്തല എന്നിവരുടെ അനുനയ നീക്കത്തിനൊടുവില് സോണിയാ ഗാന്ധി തന്നെ നേരിട്ട് വിളിച്ചതാണ് നിര്ണായകമായത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അതേസമയം, ചില ദുഃഖങ്ങളും പരിഭവങ്ങളും ഉണ്ടായിരുന്നു. പാര്ട്ടിയുമായി പ്രശ്നങ്ങളില്ല. പാര്ട്ടിയില് പദവികള് ചോദിക്കുകയോ വാഗ്ദാനം ചെയ്യുകയോ ചെയ്തിട്ടില്ലെന്നാണ് ഇന്നലെ കെ.വി.തോമസ് പറഞ്ഞത്. കൊച്ചിയില് നടത്താനിരുന്ന വാര്ത്താസമ്മേളനവും മാറ്റിയാണ് കെ.വി. തോമസ് ഇന്ന് തിരുവനന്തപുരത്ത് യോഗങ്ങളില് പങ്കെടുക്കാന് എത്തിയത്.
