കഴിഞ്ഞയാഴ്ച സിക്കിമിലെ നാകുലയിൽ യഥാർത്ഥ നിയന്ത്രണ രേഖയ്ക്ക് സമീപം ഇന്ത്യ ചൈന സൈനികർ തമ്മിൽ സംഘർഷം നടന്നതായി റിപ്പോര്ട്ട്. ചൈനീസ് പട്ടാളം നിയന്ത്രണ രേഖ മറികടക്കാന് ശ്രമിച്ചപ്പോള് ഇന്ത്യന് സൈന്യം അവരെ ശാരീരികമായി നേരിടുകയായിരുന്നു. ഇരുവശത്തുമുള്ള സൈനികർക്കും പരിക്കേറ്റിട്ടുണ്ട്. സൈന്യം ഇതുവരെ ഔദ്യോഗികമായി വിവരം സ്ഥിരീകരിച്ചിട്ടില്ല.
നിലവിൽ സ്ഥിതിഗതികൾ നിയന്ത്രണ വിധേയമാണ്. അതിർത്തിയിലെ നിലവിലെ സ്ഥിതി മാറ്റിമറിക്കാനുള്ള തയ്യാറെടുപ്പിലാണ് ചൈനീസ് സൈനികർ എത്തിയതെന്നാണ് സൂചന. എന്നാൽ ഇന്ത്യൻ സൈനികർ ഇത് തടയുകയും ചൈനീസ് സൈനികരെ തുരത്തിയോടിക്കുകയുമായിരുന്നു. സംഘർഷത്തിന്റെ വീഡിയോ 'ഇന്ത്യ ടുഡേ' പുറത്തുവിട്ടിട്ടുണ്ട്. ചൈനയുടെ 20 പട്ടാളക്കാർക്ക് പരിക്കേറ്റതായി റിപ്പോര്ട്ടില് പറയുന്നു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കഴിഞ്ഞ കുറച്ചുമാസങ്ങളായി തുടരുന്ന ഇന്ത്യാ-ചൈനാ സംഘര്ഷം പരിഹരിക്കുന്നതിനായി നയതന്ത്ര-സൈനിക ചർച്ചകൾ നടന്നുവരികയാണ്. അതിനിടയിലാണ് ചൈനയുടെ ഭാഗത്തുനിന്നും വീണ്ടും പ്രകോപനപരമായ നടപടിയുണ്ടാകുന്നത്.