പൃഥ്വിരാജും സുരാജ് വെഞ്ഞാറമൂടും പ്രധാന വേഷത്തിലെത്തുന്ന 'ജനഗണമന' ടീസര് പുറത്ത്. ക്വീന് സിനിമ ഒരുക്കിയ ഡിജോ ജോസ് ആന്റണിയാണ് സംവിധാനം. ഡ്രൈവിംഗ് ലൈസൻസിന് ശേഷം വീണ്ടും പൃഥ്വിരാജും സുരാജ് വെഞ്ഞാറമൂടും നേർക്കുനേർ വരുന്ന ത്രില്ലറാണ് 'ജനഗണമന'. തിരക്കഥ ഷരിസ് മുഹമ്മദ്. ഛായാഗ്രഹണം സുദീപ് ഇളമൺ. സംഗീതം ജേക്സ് ബിജോയ്.
പൊലീസ് കസ്റ്റഡിയിൽ വച്ച് പൃഥ്വിരാജിൻ്റെ കഥാപാത്രത്തെ സുരാജിൻ്റെ കഥാപാത്രം ചോദ്യം ചെയ്യുന്ന രംഗങ്ങളാണ് ടീസറില് ഉള്ളത്. രാജ്യദ്രോഹക്കുറ്റമാണ്, കുടുങ്ങും എന്ന് സുരാജിൻ്റെ കഥാപാത്രം പറയുമ്പോൾ താൻ ഊരിപ്പോരും എന്നാണ് പൃഥ്വിരാജിൻ്റെ കഥാപാത്രം പറയുന്നത്. ഗാന്ധിയെ കൊന്നതിന് രണ്ട് പക്ഷമുള്ള നാടാണ് എന്നും കഥാപാത്രം പറയുന്നുണ്ട്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
എറണാകുളത്തു ചിത്രീകരണം ആരംഭിച്ച 'ജനഗണമന' ഇനിയും ഷൂട്ടിംഗ് പൂർത്തിയാക്കാത്ത ചിത്രമാണ്. ഈ സിനിമയുടെ ചിത്രീകരണ വേളയിലാണ് പൃഥ്വിരാജ് കോവിഡ് പോസിറ്റീവ് ആവുന്നതും. ചുരുങ്ങിയ ദിവസങ്ങൾ കൊണ്ട് തന്നെ പൃഥ്വി കോവിഡ് നെഗറ്റീവ് ആവുകയും ചെയ്തു.