പോര്ട്ട് ബ്ലെയര്: കഴിഞ്ഞ അഞ്ച് ദിവസമായി ആന്ഡമാന് നിക്കോബാര് ദ്വീപുകളില് ഒരു കൊവിഡ് കേസുപോലും റിപ്പോര്ട്ട് ചെയ്തിട്ടില്ലെന്ന് ആരോഗ്യവകുപ്പ് ഉദ്യോഗസ്ഥര് വ്യക്തമാക്കി. ആന്ഡമാന് നിക്കോബാര് ദ്വീപുകളില് ആകെ 4,994 പേര്ക്കാണ് ഇതുവരെ രോഗം സ്ഥിരീകരിച്ചിട്ടുളളത്. 62 പേരാണ് മഹാമാരിമൂലം മരണമടഞ്ഞത്.
കേന്ദ്രഭരണ പ്രദേശമായ ആന്ഡമാന് നിക്കോബാര് ദ്വീപുകളില് നിലവില് നാലുപേര്ക്കാണ് സജീവ രോഗബാധയുളളത്. കഴിഞ്ഞ ഇരുപത്തിനാല് മണിക്കുറിനുളളില് ഒരാള്കൂടെ രോഗമുക്തി നേടി ഇതോടെ രോഗമുക്തി നേടിയവരുടെ എണ്ണം 4,928 ആയി. രണ്ടേകാല് ലക്ഷത്തോളം സാമ്പിളുകളാണ് ഇതുവരെ പരിശോധിച്ചത്. 2.25 ശതമാനമാണ് ടെസ്റ്റ് പോസിറ്റിവിറ്റി നിരക്ക്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ആരോഗ്യപ്രവര്ത്തകരടക്കം 2,844 പേര് ഇതുവരെ കൊവിഡ് വാക്സിനേഷന് സ്വീകരിച്ചു. ഇതില് 1,518 പേര് സൗത്ത് ആന്ഡമാനില് നിന്നും 100 പേര് നോര്ത്ത് ആന്ഡമാനില് നിന്നും 326 പേര് നിക്കോബാറില് നിന്നുമാണ്. ആന്ഡമാന് നിക്കോബാര് ദ്വീപുകളിലേക്ക് എത്തുന്ന യാത്രക്കാര്ക്ക് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാണ്.