ഡല്ഹി: കര്ഷക സമൂഹത്തിന്റെ പ്രശ്നങ്ങള് പരിഹരിക്കുന്നതിനായി പ്രത്യേക ബജറ്റ് വേണമെന്നാവശ്യപ്പെട്ട് കര്ഷക നേതാവ് രാകേഷ് ടികായത്ത്. കാര്ഷിക വായ്പ്പ എഴുതിത്തളളണമെന്നും രാകേഷ് ആവശ്യപ്പെട്ടു. ഗാസിപൂര് അതിര്ത്തിയില് മാധ്യമങ്ങളോട് സംസാരിക്കുകയായിരുന്നു അദ്ദേഹം.
കര്ഷകര്ക്ക് സൗജന്യ വൈദ്യുതി നല്കുന്ന പദ്ധതി ആരംഭിക്കണമെന്നും രാകേഷ് ടികായത്ത് അഭിപ്രായപ്പെട്ടു. മഹാത്മഗാന്ധി എംപ്ലോയ്മെന്റ് ഗ്യാരണ്ടി ആക്ട് പ്രകാരം കാര്ഷിക മേഖലയില് ജോലി ചെയ്യുന്ന തൊഴിലാളികള്ക്കായി പ്രത്യേക ഫണ്ട് പ്രഖ്യാപിക്കണം. വിളകളുടെ വിലവര്ദ്ധനവ് കാര്ഷിക മേഖലയുടെയോ കര്ഷകരുടെയോ പുനരുജ്ജീവനത്തിന് വഴിയൊരുക്കില്ലെന്നും രാകേഷ് ടിക്കായത്ത് പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
സര്ക്കാര് കാര്ഷിക മേഖലയില് കൂടുതല് ശ്രദ്ധ ചെലുത്തണം, കര്ഷകര്ക്ക് വൈദ്യുതിയും ജലലഭ്യതയും ഉറപ്പുവരുത്തണമെന്നും അദ്ദേഹം പറഞ്ഞു. കാര്ഷിക മേഖലയില് ഉപയോഗിക്കുന്ന യന്ത്രങ്ങളെ നികുതിയില് നിന്ന് ഒഴിവാക്കണമെന്നും ഭാരതീയ കിസാന് യൂണിയന് നേതാവ് കേന്ദ്രത്തോട് ആവശ്യപ്പെട്ടു.