ഇന്ധന വിലവർധന കാറ്, ബൈക്ക് യാത്രക്കാരെമാത്രമല്ല സമഗ്രമേഖലെയെയും ദോഷകരമായി ബാധിക്കുമെന്നും അതിനാൽ നികുതി കുറയ്ക്കാൻ കേന്ദ്ര-സംസ്ഥാന സർക്കാരുകൾ തയ്യാറാകണമെന്നും ആർബിഐ ഗവർണർ ശക്തികാന്ത ദാസ്. നിർമാണ, ഗതാഗത മേഖലകളെ ബാധിച്ചാൽ രാജ്യമൊട്ടാകെ വിലക്കയറ്റത്തിന് കാരണമാകുമെന്നും അദ്ദേഹം സൂചിപ്പിച്ചു. മുംബൈ ചേംബർ ഓഫ് കൊമേഴ്സ് ആൻഡ് ഇൻഡസ്ട്രിയുടെ സ്ഥാപകദിനാഘോഷത്തിൽ സംസാരിക്കുകയായിരുന്നു അദ്ദേഹം.
കഴിഞ്ഞ ദിവസവും ഒരു ലിറ്റര് ഡീസലിന് 25 പൈസയും പെട്രോളിന് 28 പൈസയുമാണ് വര്ധിച്ചത്. കഴിഞ്ഞ ഒന്പത് മാസത്തിനിടെ പെട്രോളിനും ഡീസലിനും വര്ധിച്ചത് 21 രൂപയാണ്. 2020 ജൂണ് മുതല് 2021 ഫെബ്രുവരി വരെയുള്ള ഒന്പത് മാസം കൊണ്ടാണ് ഒരു ലിറ്റര് ഡീസലിനും പെട്രോളിനും 21 രൂപ വര്ധിച്ചത്.
പെട്രോള് വില 100 രൂപയില് എത്താതെ ഇന്ധനവില കുറയില്ലെന്നാണ് സാമ്പത്തിക വിദഗ്ധരും വിലയിരുത്തുന്നത്. രാജ്യത്ത് എക്കാലത്തെയും സര്വകാല റെക്കോര്ഡിലേക്ക് ആണ് ഇന്ധന വില കുതിച്ചുയരുന്നത്. അന്താരാഷ്ട്ര വിപണിയില് ക്രൂഡ് ഓയില് വില വര്ധിച്ചതാണ് ആണ് ഇന്ധന വില വര്ധിക്കാന് കാരണമെന്ന് എണ്ണക്കമ്പനികള് വിശദീകരിക്കുന്നു.