രാജ്യത്ത് കൊവിഡ് വാക്സിന് ഫലപ്രദമായി വിതരണം ചെയ്യുന്നതില് കേന്ദ്ര സര്ക്കാര് ദയനീയമായി പരാജയപ്പെട്ടുവെന്ന രൂക്ഷ വിമര്ശനവുമായി പി. ചിദംബരം. 5.9 കോടി ഡോസ് വാക്സിന് ഇന്ത്യ മറ്റ് രാജ്യങ്ങളിലേക്ക് കയറ്റി അയച്ചപ്പോള് ഇന്ത്യയിലെ ജനങ്ങള്ക്ക് 3 കോടി ഡോസ് വാക്സിന് മാത്രമാണ് ലഭ്യമാക്കിയത്. വാക്സിന് ലഭിക്കണമെങ്കില് മുന്കൂട്ടി രജിസ്ടര് ചെയ്യുന്ന സ്ഥിതി മാറണമെന്നും, ഇതിനായി ഉദ്യോഗസ്ഥര്ക്ക് നിര്ദേശം നല്കണമെന്നും ചിദംബരം ട്വീറ്ററിലൂടെ ആവശ്യപ്പെട്ടു.
ജനങ്ങള്ക്ക് എളുപ്പത്തില് വാക്സിന് നല്കാനുള്ള പദ്ധതി സര്ക്കാര് തയാറാക്കണം. രാജ്യത്ത് അനുദിനം കൊവിഡ് രോഗികളുടെ എണ്ണം ഉയരുകയാണ്. ഈ സാഹചര്യത്തില് വാക്സിന് വിതരണം പരമാവധി വേഗത്തിലാക്കിയാലേ അതിജീവിക്കാന് സാധിക്കൂ.
കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ കണക്കനുസരിച്ച് രാജ്യത്ത് ഇതുവരെ 3. 64 കോടി ആളുകള്ക്കാണ് ഇതുവരെ വാക്സിന് നല്കിയത്. അതെസമയം, ഇന്ത്യയില് വാക്സിന് വിതരണത്തിന്റെ രണ്ടാംഘട്ടം മാർച്ച് ഒന്നിന് ആരംഭിച്ചു.