തിരുവനന്തപുരം: സംസ്ഥാനത്ത് നാളെ മുതല് 45 വയസിന് മുകളിലുള്ളവര്ക്ക് കൊവിഡ് വാക്സിന് വിതരണം ആരംഭിക്കും. കേന്ദ്ര സര്ക്കാര് ആശുപത്രികള്, സി.ജി.എച്ച്.എസ് ആശുപത്രികള്, പൊതുകെട്ടിടങ്ങള് എന്നിവടങ്ങളില് പ്രവര്ത്തിക്കുന്ന വാക്സിനേഷന് സെന്ററുകളില് നിന്ന് കൊവിഡ് വാക്സിന് ലഭ്യമാകും. സര്ക്കാര് ആശുപത്രികളില് നിന്ന് വാക്സിന് സൌജന്യമായി ലഭിക്കും. എന്നാല് സ്വകാര്യാ ആശുപത്രികളില് ഒരു ഡോസിന് 250 രൂപ നല്കണം.
വാക്സിനേഷന് ലഭ്യമാകുന്നതിനും, വാക്സിനേഷന് കേന്ദ്രങ്ങളില് തിരക്ക് ഒഴിവക്കുന്നതിനുമായി www.cowin.gov.in എന്ന വെബ്സൈറ്റില് രജിസ്ടര് ചെയ്യാം. രജിസ്റ്റര് ചെയ്യുന്ന എല്ലാവര്ക്കും മുന്ഗണന ക്രമം അനുസരിച്ച് വാക്സിന് ലഭ്യമാക്കും. കൊവിഷീല്ഡ് വാക്സിന് ആദ്യ ഡോസ് സ്വീകരിച്ച് 42 ദിവസം കഴിഞ്ഞ് 56 ദിവസത്തിനുള്ളില് അടുത്ത ഡോസ് സ്വീകരിക്കണം. കൊവാക്സിന് സ്വീകരിക്കുന്നതെങ്കില് ആദ്യ ഡോസ് സ്വീകരിച്ച് കഴിഞ്ഞ് 28 ദിവസം കഴിഞ്ഞ് 42 ദിവസത്തിനുള്ളില് അടുത്ത ഡോസ് സ്വീകരിക്കണം.
സംസ്ഥാനത്ത് മൂന്നാംഘട്ട വാക്സിന് വിതരണമാണ് നടക്കുന്നത്. ആദ്യ രണ്ട് ഘട്ടങ്ങളില് ആരോഗ്യപ്രവര്ത്തകര്ക്കും 60 വയസിന്മുകളില് പ്രയമുള്ളവര്ക്കുമാണ് വാക്സിന് വിതരണം ചെയ്തത്.
