തിരുവനന്തപുരം: കോടികള് മുടക്കി അവകാശവാദങ്ങള് നിരത്തിയുളള പരസ്യങ്ങള്കൊണ്ട് എല്ഡിഎഫിന്റെ അഴിമതികള് മറച്ചുവയ്ക്കാനാവില്ലെന്ന് കോണ്ഗ്രസ് നേതാവ് സച്ചിന് പൈലറ്റ്. യുഡിഎഫ് ഇത്തവണ അധികാരത്തില് വരുമെന്നും കേരളത്തിലെ ജനങ്ങളുടെ പിന്തുണ അത് വ്യക്തമാക്കുന്നതാണെന്നും അദ്ദേഹം പറഞ്ഞു. മനോരമ ന്യൂസിന് നല്കിയ അഭിമുഖത്തിലാണ് അദ്ദേഹത്തിന്റെ എല്ഡിഎഫിനെതിരായ പരാമര്ശം.
വര്ഗീയതയുടെ പേരുപറഞ്ഞ് വോട്ടുപിടിക്കാനുളള ബിജെപിയുടെ തന്ത്രം പരായജപ്പെടുമെന്നും സച്ചിന് പറഞ്ഞു. ന്യായ് പദ്ധതിയുള്പ്പെടെ സാധാരണക്കാരന്റെ ആവശ്യങ്ങള് മനസിലാക്കിയുളള പ്രകടനപത്രികയാണ് കോണ്ഗ്രസിന്റേത്. രാഹുല് ഗാന്ധിയും പ്രിയങ്ക ഗാന്ധിയും നേരിട്ടിറങ്ങി പ്രചരണം നടത്തുന്നുണ്ട്, എല്ഡിഎഫിന്റെ അഴിമതി കഥകള് പുറത്തുവന്നുകൊണ്ടിരിക്കുകയാണെന്നും സച്ചിന് പറഞ്ഞു.
കേരളത്തിലെ പുതുമുഖ സ്ഥാനാര്ത്ഥികള് നല്ല കഴിവുളളവരാണ്, കര്ഷകരും മത്സ്യതൊഴിലാളികളുമെല്ലാം അക്കൂട്ടത്തിലുണ്ട് അവരെ കേരളം വിജയിപ്പിക്കുക തന്നെ ചെയ്യുമെന്നും അദ്ദേഹം പറഞ്ഞു.