തിരുവനന്തപുരം: കോണ്ഗ്രസ് നേതാവ് പ്രിയങ്ക ഗാന്ധി കൊവിഡ് നിരീക്ഷണത്തില്. ഭര്ത്താവ് റോബര്ട്ട് വധേരക്ക് കൊവിഡ് സ്ഥിരീകരിച്ചതിനാലാണ് പ്രിയങ്ക ഗാന്ധി സ്വയം കൊവിഡ് നിരീക്ഷണത്തില് പോകുന്നത്. ഇതോടെ കേരളമടക്കം അഞ്ച് സംസ്ഥാനങ്ങളില് നടക്കുന്ന തെരഞ്ഞെടുപ്പ് പ്രചാരണങ്ങളില് നിന്ന് പ്രിയങ്കാ ഗാന്ധി പിന്മാറി.
കെ. മുരളിധരന് വേണ്ടി പ്രചാരണത്തിനിറങ്ങാന് പ്രിയങ്ക ഗാന്ധി നേമത്ത് എത്തുമെന്ന് ഉറപ്പ് നല്കിയിരുന്നു. എന്നാല് സ്വയം കൊവിഡ് നിരീക്ഷണത്തില് പോകുന്നതിനാല് നേമത്തെ പ്രചാരണ പരിപാടിക്ക് പങ്കെടുക്കില്ലന്ന് പ്രിയങ്ക ഗാന്ധി അറിയിച്ചു. റോബര്ട്ട് വധേരക്ക് കൊവിഡ് സ്ഥിരീകരിച്ചതിനെ തുടര്ന്ന് നടത്തിയ കൊവിഡ് പരിശോധന ഫലം നെഗറ്റീവ് ആയിരുന്നെങ്കിലും മൂന്നോ നാലോ ദിവസത്തേക്ക് സ്വയം കൊവിഡ് നിരിക്ഷണത്തില് പോകാന് പ്രിയങ്ക ഗാന്ധിയോട് ഡോക്ടര്മാര് നിര്ദേശിക്കുകയായിരുന്നു.
തെരഞ്ഞെടുപ്പ് പ്രചരണത്തിനായി അസം, തമിഴ്നാട്, കേരളം എന്നീ മൂന്ന് സംസ്ഥാനങ്ങളില് പ്രിയങ്ക ഗാന്ധി എത്തുമെന്ന് അറിയിച്ചിരുന്നു. എന്നാല് ഈ സംസ്ഥാനങ്ങളില് പ്രചാരണം റദാക്കിയെന്ന് പ്രിയങ്ക ഗാന്ധി ഔദ്യോഗികമായി അറിയിച്ചു.