ചെന്നൈ: നടി ഖുശ്ബുവിനെതിരെ കേസ്. തെരഞ്ഞെടുപ്പ് പെരുമാറ്റ ചട്ടം ലംഘിച്ച് മസ്ജിദിന് മുന്നില് നിന്നും വോട്ട് ചോദിച്ചതിനാണ് തൗസന്റ് ലൈറ്റ്സ് ബിജെപി സ്ഥാനാര്ത്ഥി ഖുഖ്ബുവിനെതിരെ കേസെടുത്തത്. ആരാധനാലയങ്ങള്ക്ക് 100 മീറ്റര് ചുറ്റളവില് തെരഞ്ഞെടുപ്പ് പ്രചാരണമോ വോട്ട് ചോദിക്കലോ പാടില്ലെന്നാണ് ചട്ടം. തെരഞ്ഞെടുപ്പ് ഉദ്യോഗസ്ഥരുടെ പരാതിയിലാണ് കേസ് എടുത്തിരിക്കുന്നത്.
ഖുശ്ബു ചേപ്പോക്കില് നിന്ന് മത്സരിക്കുമെന്നാണ് ആദ്യം കരുതിയിരുന്നത്. എന്നാല് ബിജെപ്പിക്ക് നല്കുമെന്ന് എഐഎഡിഎംകെ പറഞ്ഞിരുന്ന മണ്ഡലങ്ങളില് ചിലത് പിഎംകെക്ക് നല്കിയതിനെ തുടര്ന്നാണ് ഖുശ്ബുവിന് ചേപ്പോക്ക് നഷ്ടമായത്. ചേപ്പോക്കിന് പുറമെ തിരുവല്ലികേനി, മൈലാപൂര്, രാജപാളയം എന്നീ മണ്ഡലങ്ങളും പിഎംകെക്ക് നല്കുകയായിരുന്നു.
