തൊടുപുഴ: വൈദ്യുത കരാറില്‍ ആവര്‍ത്തിച്ച് ആരോപണമുന്നയിച്ച് പ്രതിപക്ഷ നേതാവ് രമേശ്‌ ചെന്നിത്തല. കേരളത്തില്‍ പിണറായി-അദാനി-മോഡി കൂട്ടുകെട്ടാണ് നിലനില്കുന്നത്. ഇതിന്‍റെ അടിസ്ഥാനത്തിലാണ് അദാനിയുമായി പിണറായി സര്‍ക്കാര്‍ കരാര്‍ ഒപ്പിട്ടിരിക്കുന്നതെന്നും രമേശ്‌ ചെന്നിത്തല ആരോപിച്ചു.
നാല് ഘട്ടങ്ങളിലായി അദാനി ഗ്രുപ്പില്‍ നിന്ന് വൈദ്യുതി വാങ്ങാന്‍ കരാര്‍ ഒപ്പിട്ടതിന്‍റെ 'ലെറ്റര്‍ ഓഫ് അവാര്‍ഡ്' രമേശ്‌ ചെന്നിത്തല പുറത്തുവിട്ടു. പിണറായി വിജയന്‍-മോഡി കൂട്ടുകെട്ടിനിടയിലെ പാലമാണ് അദാനിയെന്നും ചെന്നിത്തല പറഞ്ഞു. ഈ ബന്ധത്തിന്‍റെ അടിസ്ഥാനത്തിലാണ് ലാവലിന്‍ കേസ് നടപടികള്‍ കേന്ദ്ര സര്‍ക്കാര്‍ വൈകിപ്പിക്കുന്നത് അദ്ദേഹം കൂട്ടിച്ചേര്‍ത്തു.
അദാനി ഗ്രുപ്പിന് ലാഭമുണ്ടാക്കാനാണ് മറ്റുള്ളവരെ കരാറില്‍ നിന്ന് ഒഴിവാക്കിയത്. കോണ്‍ഗ്രസ് അധികാരത്തില്‍ വന്നാല്‍ ഈ കരാര്‍ റദ്ദ ക്കുമെന്നും ചെന്നിത്തല വ്യക്തമാക്കി.
