തിരുവനന്തപുരം: സംസ്ഥാനത്ത് വരും ദിവസങ്ങളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ ഗവേഷണ കേന്ദ്രം. ഇടുക്കി, എറണാകുളം, വയനാട് ജില്ലകളില് ജാഗ്രതാ നിര്ദേശം നല്കിയിട്ടുണ്ട്. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 mm മുതൽ 115.5 mm വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്. ഏപ്രില് 12-ന് എറണാകുളം, ഇടുക്കി, വയനാട് ജില്ലകളിലും, ഏപ്രില് 13-ന് വയനാട് ജില്ലയിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്. മലയോര മേഖലയിലുള്ളവര്ക്ക് കൂടുതല് ശ്രദ്ധിക്കണം. തുറസ്സായ സ്ഥലത്തും ടെറസ്സിലും കുട്ടികള് കളിക്കുന്നത് ഒഴിവാക്കണമെന്നും കാലാവസ്ഥാ വകുപ്പ് അറിയിച്ചു.
മഴയുടെ ലഭ്യതയില് വരുന്ന വ്യതിയാനങ്ങള്ക്ക് അനുസരിച്ച് അത് ബാധിക്കാന് സാധ്യതയുള്ള പ്രദേശങ്ങളിലെ ജനങ്ങള്ക്ക് നല്കുന്ന മുന്നറിയിപ്പാണ് യെല്ലോ, ഓറഞ്ച്, റെഡ് അലേര്ട്ടുകള്. ഏറ്റവും അപകടകരമായ അവസ്ഥയിലാണ് റെഡ് അലേര്ട്ട് പ്രഖ്യാപിക്കുക. 224.4 മില്ലീമീറ്ററിനു മുകളില് മഴ ലഭിക്കുന്ന മേഖലകളിലാണ് റെഡ് അലേര്ട്ട് ഉണ്ടാവുക. പ്രതികൂല കാലാവസ്ഥകളില് രണ്ടാമതായി പ്രഖ്യാപിക്കുന്ന താണ് ഓറഞ്ച് അലേര്ട്ട്. 124.4 മുതല് 224.4 മില്ലീമീറ്റര് മഴ ലഭിക്കുമ്പോഴാണ് ഓറഞ്ച് അലേര്ട്ട് പ്രഖ്യാപിക്കുക. മഴയുടെ ശക്തി കൂടിവരുന്ന ആദ്യ ഘട്ടത്തില് നല്കുന്ന ജാഗ്രതാ നിര്ദേശമാണ് യെല്ലോ അലേര്ട്ട്. 64.4 മുതല് 124.4 മില്ലിമീറ്റര് വരെ മഴ ലഭിക്കുന്ന സമയത്താണ് യെല്ലോ അലേര്ട്ട് പ്രഖ്യാപിക്കുക.
