തിരുവനന്തപുരം: സംസ്ഥാനത്ത് നടന്ന നിയമസഭാ തെരഞ്ഞെടുപ്പില് കഴിഞ്ഞ തവണത്തേക്കാള് ഏകദേശം 15 ല് കൂടുതല് സീറ്റുകള് അധികം നേടി ഇടതുപക്ഷ ജനാധിപത്യ മുന്നണി അധികാരത്തില് തുടരുമെന്ന് സിപിഎം സംസ്ഥാന സെക്രട്ടേറിയറ്റ് വിലയിരുത്തി. തെരഞ്ഞെടുപ്പ് അവലോകനം നടത്തിയ സെക്രട്ടേറിയറ്റ് മണ്ഡലങ്ങളിലെ ട്രെന്റുകളും വിജയ സാധ്യതയും വിലയിരുത്തി.
തെരഞ്ഞെടുപ്പിന്റെ അവസാന ലാപ്പില് രാഹുല് ഗാന്ധി, പ്രിയങ്കാ ഗാന്ധി എന്നിവര് സംസ്ഥാനത്ത് നടത്തിയ പ്രചാരണപ്രവര്ത്തങ്ങള് യു ഡി എഫിന് ഗുണം ചെയ്തു എന്ന് വിലയിരുത്തിയ സിപിഎം നേതൃയോഗം, ബിജെപി വോട്ടുകളുടെ ഒഴുക്ക് യുഡിഎഫിലേക്ക് ഉണ്ടാകുമെന്നാണ് കരുതുന്നത്. എന്നാല് ഇത്തരം നീക്കങ്ങള് നടത്താന് ശേഷിയില്ലാതെ ബിജെപി നിശ്ചലാവസ്ഥയിലായിരുന്നുവെന്നും മണ്ഡലം തിരിച്ചുള്ള അവലോകനത്തില് വിലയിരുത്തുന്നു.
വരുന്ന നിയമസഭയില് എല് ഡി എഫിന് 80 മുതല് 100 വരെ സീറ്റുകള് ലഭിക്കുമെന്നാണ് പാര്ട്ടി വിലയിരുത്തല്.