തിരുവനന്തപുരം: ആരു തപസ്സു ചെയ്താലും പേടി ഇന്ദ്രനാണ്.ദേവലോകത്തെ രാജാവായ തന്റെ സ്ഥാനം പോകുമൊ എന്നാണ് ഇന്ദ്രന്റെ പേടി.ഏകദേശം ആ ഒരവസ്ഥയില് ചിലര് എത്തിച്ചേ ര്ന്നതായാണ് കാണുന്നത് -മുഖ്യമന്ത്രി പറഞ്ഞു. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്ക്ക് 'മീഡിയാ മാനിയ'യാണെന്ന് ആക്ഷേപിച്ച പ്രതിപക്ഷ നേതാവ് രമേശ് ചെന്നിത്തലക്ക് മറുപടി പറയവേയാണ് മുഖ്യമന്ത്രി പിണറായി വിജയന് ഇന്ദ്രന്റെ കഥ ഉദാഹരിച്ചത്. കൊറോണ രോഗബാധ സംബന്ധിച്ച്വിശദീകരിക്കാന് വിളിച്ചുചേര്ത്ത വാര്ത്താ സമ്മേളനത്തില് സംസാരിക്കുകയായിരുന്നു മുഖ്യമന്ത്രി.
ഇങ്ങനെയൊരു മഹാമാരി വരുമ്പോള് അതിന് മുന്പില് നമ്മളെല്ലാം ഒത്തൊരുമയോടെ നിന്ന് ആവശ്യമായ ജാഗ്രത പാളിക്കുകയല്ലേ വേണ്ടത് ? അപ്പോള് നിങ്ങളേത് പക്ഷമാണ്, ഏതു മുന്നണിയാണ് എന്ന് നോക്കുകയാണോ വേണ്ടത്. ഇതെല്ലം നോക്കണമെങ്കില് മനുഷ്യര് വേണ്ടേ നാട്ടില്?-മുഖ്യമന്ത്രി ചോദിച്ചു. കൊറോണ രോഗം കൈകാര്യം ചെയ്യുന്നതിലൂടെ സര്ക്കാരിന് യശസ്സ് കൂടുമോ എന്ന ഭയമാണ് ചിലര്ക്കെന്നും മുഖ്യമന്ത്രി പറഞ്ഞു.