ഡല്ഹി: കോണ്ഗ്രസ് നേതാവ് രാഹുല് ഗാന്ധിക്ക് കൊവിഡ് സ്ഥിരീകരിച്ചു. ചെറിയ രീതിയില് രോഗലക്ഷണങ്ങള് കണ്ടെത്തിയതിനെത്തുടര്ന്ന് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. താനുമായി അടുത്ത ദിവസങ്ങളില് സമ്പര്ക്കം പുലര്ത്തിയവര് നിരീക്ഷണത്തില് പോകണം, കൊവിഡ് മാര്ഗനിര്ദേശങ്ങള് പാലിക്കണമെന്നും അദ്ദേഹം ആവശ്യപ്പെട്ടു.
ഡോക്ടറുടെ നിര്ദേശപ്രകാരം അദ്ദേഹം വീട്ടില് നിരീക്ഷണത്തില് കഴിയുകയാണെന്ന് രാഹുല് ഗാന്ധിയുടെ ഔദ്യോഗിക വൃത്തങ്ങള് അറിയിച്ചു. രാഹുല് ഗാന്ധി എത്രയും പെട്ടെന്ന് സുഖം പ്രാപിക്കട്ടെ എന്ന് പ്രധാനമന്ത്രി നരേന്ദ്രമോദി ട്വീറ്റ് ചെയ്തിരുന്നു.
കഴിഞ്ഞ ദിവസം മുന് പ്രധാനമന്ത്രിയും കോണ്ഗ്രസ് നേതാവുമായ മന്മോഹന് സിംഗിന് കൊവിഡ് സ്ഥിരീകരിച്ചിരുന്നു. രോഗബാധയെത്തുടര്ന്ന് അദ്ദേഹത്തെ ഡല്ഹി എയിംസില് പ്രവേശിപ്പിച്ചു. ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.