ഡല്ഹി: രാജ്യത്ത് കൊറോണ വൈറസ് ബാധിച്ചവരുടെ എണ്ണം 81-ആയി ഉയര്ന്നു. കര്ണാടകയില് ഒരാള് മരണപ്പെട്ടു. 42,000-പേര് നിരീക്ഷണത്തില് ഉണ്ട്. എന്നാല് ഇന്ത്യയില് ആരോഗ്യ അടിയന്തരാവസ്ഥയില്ലെന്നും പരിഭ്രാന്തരാകേണ്ട സാഹചര്യ മില്ലെന്നും കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലവ് അഗര്വാള് വ്യക്തമാക്കി.
രോഗം ബാധിച്ചവരില് 61- പേര് ഇന്ത്യാക്കാരും 16-പേര് ഇറ്റലിക്കാരും ഒരാല് കനേഡിയനുമാണ്.നിലവിലുള്ള രോഗികളുമായി സമ്പര്ക്കം പുലര്ത്തിയവരെ കണ്ടെത്തി നിരീക്ഷണത്തില് വെയ്ക്കാനുള്ള പ്രവര്ത്തനങ്ങള് ഊര്ജ്ജിതമായി നടക്കുകയാണ്. 4000 -ത്തോളം പേരെ ഇതിനകം തിരിച്ചറിഞ്ഞിട്ടുണ്ട്.ഇവരെ നിരീക്ഷിച്ചു കൊണ്ടിരിക്കുകയാണ്.
ചൈന ,ജപ്പാന് എന്നീ രാജ്യങ്ങളില് നിന്നെത്തിയ 236- പേരെ നിരീക്ഷണത്തില് വെയ്ക്കുകയും ടെസ്റ്റ് റിസല്ട്ട് നെഗറ്റീവായതിനെ തുടര്ന്ന് നിരീക്ഷണത്തില് നിന്ന് മാറ്റുകയും ചെയ്തിട്ടുണ്ട്.
ഇറാനില് കുടുങ്ങിക്കിടക്കുന്ന ഇന്ത്യക്കാരെ നാട്ടിലെത്തിക്കാന് നാളെ (ശനി) പ്രത്യേക വിമാനം അയക്കും. ചൈന ,മഡഗാസ്ക്കര്, മാലി, അമേരിക്ക എന്നിവിടങ്ങളില് നിന്നും ഇന്ത്യക്കാരെ തിരിച്ചെത്തിച്ചു.
രോഗ പ്രതിരോധം ലക്ഷ്യം വെച്ച് വിവിധ സംസ്ഥാങ്ങള് സ്വീകരിക്കുന്ന എല്ലാ നടപടികള്ക്കും കേന്ദ്ര സര്ക്കാരിന്റെ പൂര്ണ്ണ പിന്തുണ ഉണ്ടാകും.കൊറോണയുടെ മറവില് സാനിറ്റൈസറും മാസ്ക്കുകളും കരിഞ്ചന്തയില് വില്ക്കുന്നവര്ക്കെതിരെ ശക്തമായ നടപടികള് സ്വീകരിക്കും. സംസ്ഥാനങ്ങള് ഇക്കാര്യത്തില് സ്വീകരിക്കുന്ന നടപടികള്ക്ക് കേന്ദ്രം പിന്തുണ നല്കുമെന്നും കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലവ് അഗര്വാള് വ്യക്തമാക്കി.
