കൊവിഡ് ബാധിച്ച് ഗുരുതരാവസ്ഥയിലായ 25 കാരിയെ ബോളിവുഡ് നടൻ സോനു സൂദിന്റെ സഹായത്തെടെ എയർ ആംബുലൻസിൽ ആശുപത്രിയിലെത്തിച്ചു. നാഗ്പൂരിൽ നിന്നാണ് രോഗിയെ സോനു ഹൈദരാബാദിലെ അപ്പോളോ ആശുപത്രിയിൽ എത്തിച്ച്. ഭാരതി എന്ന യുവതിയാണ് സോനുവിന്റെ വിലമതിക്കാനാവാത്ത സഹായം ലഭിച്ച് ജീവിതത്തിലേക്ക് തിരികെ എത്തുന്നത്. കൊവിഡ് ബാധിച്ചതിനെ തുടർന്ന് കടുത്ത ശ്വാസകോശ രോഗം ബാധിച്ച് ഗുരുതരാവസ്ഥായിലായിരുന്നു ഭാരതി.
ശ്വാസകോശത്തിന് അടിയന്തര ചികിത്സ നൽകിയില്ലെങ്കിൽ രോഗിയുടെ ജീവൻ അപകടത്തിലാകുമെന്ന് നാഗ്പൂരിലെ ഡോക്ടർമാർ അറിയിക്കുകയായിരുന്നു. ഭാരതിയെ ഹൈദരാബാദിൽ എത്തിക്കാനാകുമോ എന്ന് ഇവരുടെ ചികിത്സക്കായി ഇടപെട്ട സോനുവിനോട് ആശുപത്രി അധികൃതർ പറഞ്ഞു. അതേ സമയം ഭാരതി രക്ഷപ്പെടാൻ നേരിയ സാധ്യത മാത്രമെയുള്ളുവെന്നും ഡോക്ർമാർ സോനുവിനോട് പറഞ്ഞു.
രോഗത്തോട് പൊരുതി ഭാരതി ജീവിത്തിലേക്ക് തിരിച്ചു വരുമെന്ന് സോനു ശുഭാപ്തി വിശ്വാസം പ്രകടിപ്പിച്ചു. സോനു മുൻകൈയ്യെടുത്ത് എയർ ആംബുലൻസിൽ ഭാരതിയെ ഹൈദരാബാദിലെ അപ്പോളോ ആശുപത്രിയിൽ എത്തിച്ചു. ഭാരതിയെ ഹൈദരാബാദിൽ അടിയന്തര ചികിത്സക്ക് വിധേയയാക്കി. ഇവരുടെ ആരോഗ്യ നില സംബന്ധിച്ച് വിവരങ്ങൾ ആശുപത്രി വൃത്തങ്ങൾ പുറത്തുവിട്ടിട്ടില്ല.
കൊവിഡിന്റെ ഒന്നാം തരംഗകാലത്തും അശരണർക്കായി സോനു ശ്രദ്ദേയമായ ഇടപെടലുകൾ നടത്തിയിരുന്നു
