ഡല്ഹി: കൊവിഡിനെതിരായ പോരാട്ടത്തില് അമേരിക്കയോട് ഇന്ത്യയെ സഹായിക്കണമെന്നാവശ്യപ്പെട്ട് നടി പ്രിയങ്ക ചോപ്ര. 'എന്റെ ഹൃദയം തകര്ന്നുപോവുകയാണ്. ഇന്ത്യ കൊവിഡ് മൂലം വളരെയധികം കഷ്ടപ്പെടുന്നുണ്ട്. യുഎസ് ആവശ്യമുളളതിനേക്കാള് 550 ദശലക്ഷം അധികം വാക്സിന് ഓര്ഡര് ചെയ്തിട്ടുണ്ട്. ആസ്ട്രസെനക ലോകത്തിനു പങ്കുവച്ചതിന് നന്ദി. എന്നാല് എന്റെ രാജ്യത്തിന്റെ സ്ഥിതി ഗുരുതരമാണ്. നിങ്ങള് അടിയന്തരമായി ഇന്ത്യയുമായി വാക്സിന് പങ്കുവയ്ക്കാമോ' എന്നായിരുന്നു പ്രിയങ്കയുടെ ട്വീറ്റ്.
അമേരിക്കന് പ്രസിഡന്റ് ജോ ബൈഡന്, യുഎസ് നാഷണല് സെക്രട്ടറി ജേക്ക് സളളിവന്, യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് എന്നിവരെ ടാഗ് ചെയ്താണ് പ്രിയങ്ക വാക്സിന് ആവശ്യപ്പെട്ടത്. പ്രിയങ്കയുടെ പോസ്റ്റിന് മികച്ച പ്രതികരണമാണ് ട്വിറ്ററില് ലഭിച്ചത്.
അതേസമയം, രാജ്യത്തെ കൊവിഡ് രോഗികളുടെ എണ്ണം മൂന്നു ലക്ഷത്തി ഇരുപതിനായിരത്തിന് മുകളില് തുടരുകയാണ്. കഴിഞ്ഞ 24 മണിക്കൂറിനുള്ളില് 3,23,144 പേര്ക്കാണ് പുതുതായി കൊവിഡ് സ്ഥിരീകരിച്ചത്. ഇതോടെ രാജ്യത്തെ ആകെ രോഗികളുടെ എണ്ണം 1,76,36,307 ആയി. 2771 പേര്ക്കാണ് കഴിഞ്ഞ 24 മണിക്കൂറിനുള്ളില് ജീവന് നഷ്ടമായത്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 1,97,894 ആയി. ഒന്നേ മുക്കാല് കോടി രോഗികളാണ് ഇതുവരെ രോഗമുക്തി നേടിയത്. 1,40,85,110 പേരാണ്. 28 ,82,204 പേരാണ് നിലവില് ചികിത്സയിലുളളത്.
