ഡല്‍ഹി: ചെറു നിക്ഷേപങ്ങളുടെ പലിശ നിരക്ക് കുറക്കാന്‍ കേന്ദ്രം ആലോചിക്കുന്നു. അടുത്തമാസത്തെ പലിശ നിരക്കിലാണ് മാറ്റ മുണ്ടാകുക. പബ്ലിക് പ്രോവിഡണ്ട് ഫണ്ട് (പി പി എഫ്) , നാഷണല്‍ സേവിങ്ങ്സ് സര്‍ട്ടിഫിക്കറ്റ് (എന്‍ എസ്‌ സി) , സുകന്യ സമൃദ്ധി , മുതിര്‍ന്ന പൌരന്മാരുടെ നിക്ഷേപം (സീനിയര്‍ സിറ്റിസണ്‍ സേവിംഗ്) എന്നിവയുടെ പലിശ നിരക്കിലാണ് കുറവ് വരുക.
റിസര്‍വ് ബാങ്കിന്‍റെ റിപ്പോ നിരക്കും ചെറു നിക്ഷേപങ്ങളുടെ പലിശ നിരക്കും തമ്മിലുള്ള അന്തരം കുറയ്ക്കുന്നതിന്‍റെ ഭാഗമായാണ് നടപടി എന്നാണ് വിശദീകരണം. പബ്ലിക് പ്രോവിഡണ്ട് ഫണ്ട് (പി പി എഫ്) , നാഷണല്‍ സേവിങ്ങ്സ് സര്‍ട്ടിഫിക്കറ്റ് (എന്‍ എസ്‌ സി) , സുകന്യ സമൃദ്ധി , മുതിര്‍ന്ന പൌരന്മാരുടെ നിക്ഷേപം (സീനിയര്‍ സിറ്റിസണ്‍ സേവിംഗ്) എന്നിവയുടെ കാര്യത്തില്‍ പലിശ നിരക്ക് കുറയ്ക്കില്ലെന്ന നിലപാടാണ് നേരത്തെ കേന്ദ്രം സ്വീകരിച്ചിരുന്നത്. എന്നാല്‍ കൊറോണയടക്കമുള്ള മാറിയ സാഹചര്യം ന്യായമായെടുത്താണ് ഇപ്പോഴത്തെ നടപടി.
റിസര്‍വ് ബാങ്ക് നിരക്കുകളില്‍ മാറ്റം വരുത്തുന്നതിനനുസരിച്ച് ചെറുനിക്ഷേപങ്ങളുടെ പലിശ നിരക്ക് കുറയ്ക്കുന്ന സമീപനമാണ് വാണിജ്യ ബാങ്കുകള്‍ ഇപ്പോള്‍ സ്വീകരിച്ചു കൊണ്ടിരിക്കുന്നത്. ഇത് മുതിര്‍ന്ന പൌരന്മാര്‍ അടക്കമുള്ള ചെറു നിക്ഷേപകരെ പ്രതികൂലമായി ബാധിക്കും.
