തിരുവനന്തപുരം: ലക്ഷദ്വീപ് അഡ്മിനിസ്ട്രേറ്ററെ തിരിച്ചുവിളിക്കണമെന്നാവശ്യപ്പെട്ട് കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ച് പ്രതിപക്ഷ നേതാവ് വിഡി സതീശന്. ഭാഷകൊണ്ടും സംസ്കാരം കൊണ്ടും കേരളത്തോട് ചേര്ന്നുനില്ക്കുന്ന ലക്ഷദ്വീപില് ഉടലെടുക്കുന്ന പ്രശ്നങ്ങളില് വേദനയുണ്ട്. അഡ്മിനിസ്ട്രേറ്റര്മാരായി ഉദ്യോഗസ്ഥരെ നിയമിക്കുന്ന പതിവുരീതി മാറ്റിക്കൊണ്ട് രാഷ്ട്രീയക്കാരനായ അഡ്മിനിസ്ട്രേറ്ററെയാണ് നിയമിച്ചിരിക്കുന്നത്. ആ അഡ്മിനിസ്ട്രേറ്റര് നടത്തുന്ന ജനാധിപത്യവിരുദ്ധ നടപടികള്ക്കെതിരെ ലക്ഷദ്വീപിലെ ജനങ്ങള് ശബ്ദമുയര്ത്തുകയാണ്. ജില്ലാ പഞ്ചായത്ത് ദ്വീപിന്റെ സ്വൈര്യ ജീവിതം ഇല്ലാതാക്കുകയാണെന്നും വിഡി സതീശന് കത്തില് പറയുന്നു. ഇത്തരം ജനാധിപത്യവിരുദ്ധ നടപടികള് ദൂരവ്യാപകമായ പ്രത്യാഘാതങ്ങളുണ്ടാക്കുമെന്നും അദ്ദേഹം കൂട്ടിച്ചേര്ത്തു.
നേരത്തെ മുഖ്യമന്ത്രി പിണറായി വിജയന്, പൃഥ്വിരാജ്, റിമ കല്ലിങ്കല്, ഗീതു മോഹന്ദാസ്, സലീം കുമാര് തുടങ്ങിയവരും ലക്ഷദ്വീപ് നിവാസികള്ക്ക് ഐക്യദാര്ഢ്യം പ്രഖ്യാപിച്ച് രംഗത്തെത്തിയിരുന്നു. ദ്വീപ് നിവാസികളുടെ സംസ്കാരത്തിനും ജീവിതത്തിനും വെല്ലുവിളിയുയര്ത്തുന്ന ഒരു നീക്കങ്ങളും അംഗീകരിക്കാന് കഴിയില്ലെന്നായിരുന്നു മുഖ്യമന്ത്രിയുടെ പ്രതികരണം.
