ഡല്ഹി: രാജ്യത്ത് കഴിഞ്ഞ 24 മണിക്കൂറിനിടെ 1.86 ലക്ഷം പുതിയ കൊവിഡ് കേസുകളും, 3660 മരണവുമാണ് റിപ്പോര്ട്ട് ചെയ്തിരിക്കുന്നത്. കഴിഞ്ഞ 44 ദിവസത്തിനിടെ റിപ്പോര്ട്ട് ചെയ്ത ഏറ്റവും കുറഞ്ഞ പ്രതിദിന കൊവിഡ് കേസുകളാണിത്. ഇതോടെ രാജ്യത്ത് കൊവിഡ് ബാധിച്ച് ചികല്സയിലിരിക്കുന്നവരുടെ എണ്ണം 23.43 ലക്ഷമായി. 20.70 ലക്ഷം സാമ്പിളുകളാണ് ഇന്നലെ പരിശോധിച്ചത്. രാജ്യത്ത് ഇതുവരെ പരിശോധനക്കായി 33.90 കോടി സാമ്പിളുകളാണ് സ്വീകരിച്ചതെന്ന് ഐ.സി.എം.ആർ അറിയിച്ചു.
കഴിഞ്ഞ 24 മണിക്കൂറിനിടെ രോഗം ബാധിച്ച് 3660 ആളുകള് മരണപ്പെട്ടിരിക്കുന്നത്. ഇതോടെ രാജ്യത്തെ കൊവിഡ് ബാധിച്ച് മരിച്ചവരുടെ എണ്ണം 3,18,895 ആയി ഉയര്ന്നു. 2,59,459 പേരാണ് കഴിഞ്ഞ ദിവസം കോവിഡ് രോഗമുക്തി നേടിയതെന്ന് ആരോഗ്യ വിദഗ്ദര് അഭിപ്രായപെട്ടു. രാജ്യത്ത് ഇതുവരെ 2,48,93,410 പേര് രോഗമുക്തരായി. 20,57,20,660 പേരെ വാക്സിനേഷന് വിധേയമാക്കിയിട്ടുണ്ടെന്നും, 90.34 ശതമാനം രാജ്യത്ത് കൊവിഡ് മുക്തി നിരക്കുണ്ടെന്നും കേന്ദ്രാരോഗ്യ മന്ത്രാലയം വ്യക്തമാക്കി.ഇന്നലെ സംസ്ഥാനത്ത് 24166 ആളുകള്ക്ക് രോഗം സ്ഥിരീകരിക്കുകയും, 181 മരണവുമാണ് റിപ്പോര്ട്ട് ചെയ്തിരിക്കുന്നത്. കേരളത്തില് ഇതുവരെ 8063 ആളുകളാണ് കൊവിഡ് മൂലം മരണപ്പെട്ടിരിക്കുന്നത്.
