മുംബൈ: പ്രമുഖ ടെലിവിഷന് അഭിനേതാവ് കരണ് മെഹ്റയ്ക്കെതിരെ ഗാര്ഹിക പീഡനത്തിന് കേസ്. രാജ്യത്തെ തന്നെ ഏറ്റവും ദൈര്ഘ്യമേറിയ ടെലിവിഷന് പരമ്പരയായ 'യെ രിശ്താ ക്യാ കെഹ് ലാത്താ ഹെ'യില് ഉത്തമനായ ഭര്ത്താവായി വേഷമിട്ടയാളാണ് ഭാര്യയെ മര്ദ്ദിച്ചതിന് അറസ്റ്റിലായത്. വീട്ടില് വാക്കുതര്ക്കങ്ങളുണ്ടായതിനെത്തുടര്ന്ന് കരണ് തന്നെ മര്ദ്ദിക്കുകയായിരുന്നുവെന്ന് ഭാര്യ നിഷാ റാവല് ആരോപിക്കുന്നു. ഇന്ന് രാവിലെയാണ് കരണിനെതിരായ അറസ്റ്റ് രേഖപ്പെടുത്തിയത്. പിന്നീട് ജാമ്യത്തില് വിട്ടു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കരണിന്റെ ഭാര്യ നിഷാ റാവല് പ്രശസ്ത നടിയും മോഡലുമാണ്. കൊക്കോ കോള, സണ്സില്ക്ക് ഷാംപു തുടങ്ങി ഒട്ടേറേ പരസ്യചിത്രങ്ങളിലും, ഏതാനും ബോളീവുഡ് ചിത്രങ്ങളിലും നിഷ അഭിനയിച്ചിട്ടുണ്ട്. നിഷയും കരണും ഒരുമിച്ച് ഡാന്സ് റിയാലിറ്റി ഷോയായ 'നച്ച് ബലിയേ'യില് ഒരുമിച്ച് പങ്കെടുത്തിരുന്നു. മോഡലിംഗിലൂടെയാണ് ഇരുവരും കരിയര് ആരംഭിക്കുന്നത്. ആറു വര്ഷത്തോളം പ്രണയിച്ചാണ് ഇരുവരും വിവാഹിതരാവുന്നത്. സമൂഹമാധ്യമങ്ങളില് വലിയ ഫോളോവേഴ്സാണ് ഇരുവര്ക്കുമുളളത്. ഇന്സ്റ്റഗ്രാമില് കരണ് മെഹ്റയ്ക്ക് 6.45 ലക്ഷം ഫോളോവേഴ്സും നിഷാ റാവലിന് 9.35 ലക്ഷം ഫോളോവേഴ്സുമാണുളളത്.
