ഡല്‍ഹി: പ്രധാനമന്ത്രി നരേന്ദ്രമോദിക്കെതിരെ വധഭീഷണി മുഴക്കിയ യുവാവ് അറസ്റ്റില്‍. ഡല്‍ഹി പൊലീസാണ് യുവാവിനെ അറസ്റ്റ് ചെയ്തത്. ഇന്നലെ രാത്രിയാണ് ഇരുപത്തിരണ്ടുകാരനായ യുവാവ് പൊലീസ് സ്റ്റേഷനിലേക്ക് വിളിച്ച് പ്രധാനമന്ത്രിയെ വധിക്കുമെന്ന് ഭീഷണി മുഴക്കിയത്. എനിക്ക് മോദിയെ കൊല്ലണം എന്നായിരുന്നു ഇയാള്‍ പൊലീസിനോട് പറഞ്ഞത്. തുടര്‍ന്ന് നടത്തിയ അന്വേഷണത്തില്‍ ഡല്‍ഹിയിലെ ഖജൂരി ഖാസില്‍ വച്ച് ഇയാളെ അറസ്റ്റ് ചെയ്യുകയായിരുന്നു.
നിരവധി കേസുകളില്‍ പ്രതിയായ യുവാവ് ജാമ്യത്തിലിറങ്ങിയിരുന്നു. തിരികെ ജയിലിലേക്ക് പോകാനാണ് പ്രധാനമന്ത്രിക്കെതിരെ വധഭീഷണി നടത്തിയതെന്ന് ഇയാള്‍ പൊലീസിനോട് പറഞ്ഞു. സംഭവത്തില്‍ ഐബി ഉള്‍പ്പെടെയുളള അന്വേഷണ ഏജന്‍സികള്‍ അന്വേഷണം ആരംഭിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കഴിഞ്ഞ ജനുവരിയില്‍ പ്രധാനമന്ത്രി നരേന്ദ്രമോദിക്കും ആഭ്യന്തര മന്ത്രി അമിത്ഷായ്ക്കുമെതിരെ വധഭീഷണി മുഴക്കിയതിന് ഒരാളെ അറസ്റ്റ് ചെയ്തിരുന്നു. സിഎഎ, എന്‍ആര്‍സി നിയമങ്ങള്‍ക്കെതിരായ സന്ദേശങ്ങളും അദ്ദേഹം പോസ്റ്റ് ചെയ്തിരുന്നു.
