ഒരു മാമ്പഴത്തിന് ആയിരം രൂപയോ ? ഞെട്ടണ്ട സംഭവം സത്യമാണ്. മധ്യപ്രദേശിലെ അലിരാജ്പൂര് ജില്ലയില് കൃഷി ചെയ്യുന്ന നൂര്ജഹാന് എന്ന മാമ്പഴത്തിനാണ് ഈ കൂടിയ വില. പിടിഐ ആണ് വ്യത്യസ്തമായ ഈ മാമ്പഴത്തെക്കുറിച്ച് റിപ്പോര്ട്ട് ചെയ്തത്. നൂര്ജഹാന് മാമ്പഴം ഒന്നിന് അഞ്ഞൂറ് മുതല് ആയിരം രൂപ വരെയാണ് വില.
അതിന്റെ വലിപ്പത്തിനും ഭാരത്തിനുമനുസരിച്ചാണ് വില നിശ്ചയിക്കുന്നത്. അനുകൂലമായ കാലാവസ്ഥ മൂലം ഇത്തവണ മാമ്പഴത്തിന്റെ വിളവെടുപ്പ് മികച്ചതായെന്ന് കര്ഷകര് പറയുന്നു.
ഇന്ഡോറില് നിന്ന് 250 കിലോമീറ്റര് അകലെ ഗുജറാത്ത് അതിര്ത്തിയോട് ചേര്ന്നുളള അലിരാജ്പൂര് ജില്ലയിലെ കത്തിവാഡ പ്രദേശത്ത് മാത്രമാണ് ഈ മാമ്പഴം കൃഷി ചെയ്യുന്നത്. അഫ്ഗാനീ വേരുകളുളളവയാണ് നൂര്ജഹാന് മാമ്പഴങ്ങള്.
മാമ്പഴങ്ങള് ഓരോന്നിനും ആയിരം രൂപ വരെ വില നിശ്ചയിച്ചിട്ടുണ്ട്. അവയ്ക്കായുളള ബുക്കിംഗ് അവസാനിച്ചുകഴിഞ്ഞുവെന്ന് കത്തിയവാഡയില് നിന്നുളള കര്ഷകര് പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഒരു നൂര്ജഹാന് മാമ്പഴത്തിന് രണ്ട് മുതല് മൂന്നര കിലോ വരെ ഭാരമുണ്ടാവും. ജൂണ് മാസം ആരംഭത്തിലാണ് മാമ്പഴത്തിന്റെ സീസണ്. ജനുവരി ഫെബ്രുവരി മാസങ്ങളിലാണ് മാവുകള് പൂക്കുക.