ഡല്ഹി: കൊറോണ ദേശീയ സമ്പദ്വ്യവസ്ഥയെ കടുത്ത സമ്മര്ദ്ദ ത്തിലെക്കാണ് കൊണ്ട് പോകുന്നതെന്നും ഇതിനെ മറികടക്കാന് റിസര്വ് ബാങ്ക് ഓഫ് ഇന്ത്യ ഒരു ലക്ഷം കോടി രൂപ രാജ്യത്തെ വാണിജ്യ ബാങ്കുകള്ക്ക് വായ്പാ പണമായി നല്കുമെന്നും റിസര്വ് ബാങ്ക് ഗവര്ണര് ശക്തികാന്ത് ദാസ് പറഞ്ഞു.ദീര്ഘ കാലത്തെക്കാണ് പണം അനുവദിക്കുക.വാ ണിജ്യ ബാങ്കുകളില് നിന്ന് ഈ പണം ജനങ്ങളിലേക്ക് എത്തുന്നതോടെ വിപണിയില് പണ ലഭ്യത കൂടുമെന്നും അത് സാമ്പത്തിക ഇടപാടുകള് വര്ധിപ്പിക്കുമെന്നും ശക്തികാന്ത് ദാസ് പറഞ്ഞു.
യെസ് ബാങ്കിലെ സാധാരണക്കാരുടെ നിക്ഷേപം സുരക്ഷിതമാണ്. ബാങ്കിന് ഏര്പ്പെടുത്തിയ മോറോട്ടോറിയാം ബുധനാഴ്ച വൈകീട്ട് 6-മണിക്ക് അവസാനിക്കും.അതിനു ശേഷം ബാങ്ക് ഇടപാടുകള് സാധാരണ പോലെ നടക്കുമെന്നും അദ്ദേഹം പറഞ്ഞു. പുതിയ ഡയറക്ടര് ബോര്ഡ് ഈ മാസം 26-ന് ചുമതലയേല്ക്കും.
കൊറോണയുടെ പശ്ചാത്തലത്തില് പലിശ നിരക്ക് കുറയ്ക്കുന്ന കാര്യം വരാനിരിക്കുന്ന അവലോകന യോഗം പരിഗണിക്കും. രാജ്യത്തിന്റെ അഭ്യന്തര വിപണിയും സമ്പദ് വ്യവസ്ഥയും താഴോട്ട് പോകാന് ഇടയുണ്ടെന്ന് റിസര്വ് ബാങ്ക് ഗവര്ണര് ശക്തികാന്ത് ദാസ് പറഞ്ഞു.