തിരുവനന്തപുരം: മുഖ്യമന്ത്രി പിണറായി വിജയനെതിരെ ഭീഷണിയുമായി ബിജെപി നേതാവ് എ.എന്‍. രാധാകൃഷ്ണന്‍. ബിജെപി സംസ്ഥാന അധ്യക്ഷന്‍ കെ. സുരേന്ദ്രനെ വേട്ടയാടുന്നത് തുടര്‍ന്നാല്‍ പിണറായി വിജയന്‍ അധികകാലം വീട്ടില്‍ കിടന്നുറങ്ങില്ലെന്നാണ് എ. എന്‍. രാധാകൃഷ്ണന്‍ പറഞ്ഞത്. പിണറായിയുടെ മക്കളെ ജയിലിടക്കും. ഇനി മക്കളെ കാണാന്‍ മുഖ്യമന്ത്രിക്ക് ജയിലില്‍ പോകേണ്ടിവരുമെന്നും രാധാകൃഷ്ണന്‍ പറഞ്ഞു.
തിരുവനന്തപുരം പാളയത്ത് സംസ്ഥാന സര്‍ക്കാരിനെതിരെ ബിജെപി നടത്തിയ സത്യാഗ്രഹ സമരത്തില്‍ പങ്കെടുത്ത് സംസാരിക്കവേയാണ് മുഖ്യമന്ത്രിയ്‌ക്കെതിരായ ഭീഷണി. അഹങ്കാരവുമായി പിണറായി വിജയന്‍ വന്നാല്‍ ജനാധിപത്യ കേരളം തിരിച്ചടിക്കും. അതിശക്തമായ, ഐതിഹാസിക സമരങ്ങള്‍ക്ക് കേരളം സാക്ഷ്യം വഹിക്കും. ബിജെപി സംസ്ഥാന അധ്യക്ഷനെ കളളക്കേസില്‍ കുടുക്കിയ മുന്‍പരിചയം പിണറായി വിജയനുണ്ടെന്നും എ. എന്‍. രാധാകൃഷ്ണന്‍ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കുഴല്‍പ്പണ വിവാദത്തില്‍ ബിജെപിയും കെ. സുരേന്ദ്രനും പ്രതിരോധത്തിലായിരിക്കുന്നതിനിടെയാണ് മുഖ്യമന്ത്രിക്കെതിരായ ഭീഷണി.
