തിരുവനന്തപുരം: സംസ്ഥാനത്ത് നാളെയും മറ്റന്നാളും സമ്പൂര്ണ ലോക്ക് ഡൌണ്. ടെസ്റ്റ് പോസിറ്റിവിറ്റി 20-നും 30-നും ഇടയിലുള്ള തദ്ദേശസ്ഥാപനങ്ങളില് അവശ്യ സാധനങ്ങള് വില്ക്കുന്ന കടകള് തുറന്ന് പ്രവര്ത്തിക്കും. ടിപിആര് 30 ശതമാനത്തിന് മുകളിലുള്ള തദ്ദേശസ്ഥാപനങ്ങളില് ട്രിപ്പിള് ലോക്ക് ഡൌണ് ഏര്പ്പെടുത്തിയിട്ടുണ്ട്. ഒന്നര മാസത്തെ അടച്ചിടലിന് ശേഷം കഴിഞ്ഞ ദിവസമാണ് ലോക്ക് ഡൌണ് ഇളവുകള് നിലവില് വന്നത്. എല്ലാ ജില്ലകളിലും പ്രതിവാര ടെസ്റ്റ് പോസിറ്റിവിറ്റി നിരക്കിന്റെ അടിസ്ഥാനത്തില് തദ്ദേശ സ്ഥാപന മേഖലകളെ 4 വിഭാഗങ്ങളായി തിരിച്ചാണ് നിയന്ത്രണം ഏര്പ്പെടുത്തിയിരിക്കുന്നത്.
അവശ്യസാധനങ്ങള് വില്ക്കുന്ന കടകള്ക്ക് രാവിലെ ഏഴ് മുതല് വൈകിട്ട് ഏഴ് വരെ പ്രവര്ത്തിക്കാം. വിദ്യാഭ്യാസ ആവശ്യങ്ങള്ക്കുള്ള സാധനങ്ങള് വില്ക്കുന്ന കടകള്ക്കും, റിപ്പയര് ഷോപ്പുകള്ക്കും കല്യാണ ആവശ്യങ്ങള്ക്കുള്ള തുണി, ആഭരണങ്ങള്, ചെരുപ്പുകള് എന്നിവ വില്ക്കുന്ന കടകള്ക്കും രാവിലെ ഏഴ് മുതല് വൈകിട്ട് ഏഴ് വരെ പ്രവര്ത്തിക്കാം. ടിപിആര് ന് മുകളിലുള്ള പ്രദേശങ്ങളില് ട്രിപ്പിള് ലോക്ക് ഡൌണ് ആണ്. അനാവശ്യമായ കാര്യങ്ങള്ക്ക് നാളെയും മറ്റന്നാളും നിരത്തിലിറങ്ങിയാല് നിയമ നടപടികള് നേരിടേണ്ടതായി വരും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സംസ്ഥാനത്ത് ഇന്നലെ 12,465 പേര്ക്കാണ് കൊവിഡ് സ്ഥിരീകരിച്ചത്. ഇതില് 11,700 ആളുകള്ക്ക് സമ്പര്ക്കത്തിലൂടെയാണ് രോഗം ബാധിച്ചിരിക്കുന്നത്. 88 പേരാണ് കൊവിഡ് ബാധിച്ച് ഇന്നലെ മരണപ്പെട്ടത്. സംസ്ഥാനത്ത് ആകെ മരണം 11,743 ആണ്.
